Toshkent metropoliteni xodimi homilador xotinini o‘ldirib, kanalga tashlab yubordi. Oliy sud unga nisbatan chiqarilgan sud hukmini “Daryo”ga taqdim etdi.
Unga ko‘ra, 1997-yilda tug‘ilgan D.N. “Toshkent metropoliteni” DUKda elektropoyezd mashinisti lavozimida ishlagan. 2024-yil 10-dekabr kuni ertalab u oilaviy janjal tufayli ota uyiga ketib qolgan turmush o‘rtog‘i bilan gaplashish maqsadida, uning ish joyi bo‘lgan oilaviy poliklinikaga borgan. Ayolni ishxonadan olib chiqqan D.N. uni Nexia rusumli avtomobiliga mindirib, Yangiyo‘l tumani “Baytish” mahallasi hududidan oqib o‘tuvchi Salar kanali bo‘yiga olib borgan.
Erkak mashinasini kanal ustidan o‘tuvchi ko‘prikda to‘xtatib, yonida olib yurgan oshxona pichog‘i bilan G.N.ning chap ko‘krak qafasiga zarba bergan va uni qasddan o‘ldirgan. So‘ng marhumaning jasadini avtomobildan tushirib, Salar kanaliga tashlab yuborgan va hodisa joyidan yashiringan.
U sud majlisida ayoli bilan sevishib turmush qurganini, bir nafar o‘g‘li borligini aytgan. Uning ta’kidlashicha, 2023-yilda ayoli savdo-sotiq maqsadida Turkiyaga borib kelgan. Shundan so‘ng uning xatti-harakatlarida o‘zgarishlar sezila boshlagan. Oila ichida tez-tez kelishmovchiliklar yuzaga keladi. Undan yashirincha ko‘pchilikdan qarz olgan.
2024-yil may oyidan beri birga yashamay kelishgan. Erkak orada farzand bo‘lgani va sevgisi sababli yarashish niyati borligini aytgan. Shuningdek, u turmush o‘rtog‘idan qarzga olingan pullarni qanday ishlatganini so‘rash va suhbatlashish uchun uchrashganini, qilgan ishidan chin dildan pushaymon ekanini bildirgan.
Marhumaning yaqinlari esa erkak ikki kishining — ona va uning homilasi hayotiga zomin bo‘lganini ta’kidlab, unga nisbatan umrbod ozodlikdan mahrum qilish jazosi tayinlanishini so‘rashgan.
JIB Yangiyo‘l tuman sudi tomonidan chiqarilgan hukmga ko‘ra, er Jinoyat kodeksining 97-moddasi 2-qismi “b” bandida ko‘zda tutilgan jinoyat — homiladorligi aybdorga ayon bo‘lgan ayolni qasddan o‘ldirish jinoyatini sodir etganlikda aybli deb topildi va 18 yilga qamaldi.
Pichoqlash bilan yakunlangan oilaviy janjallar
Surxondaryo viloyatida erkak qaynukasi tomonidan, Samarqandda 70 yoshli erkak 60 yoshli qaynukasi tomonidan pichoqlangandi. Buxoroda er janjal sabab xotinini pichoqlagani, Jizzaxda er rashk sabab avval xotinini, keyin esa o‘zini pichoqlab o‘ldirgani, Vobkent tumanida mast fuqaro qaynukasini pichoqlagani to‘g‘risida xabar berilgandi.
- Chinozda 25 yoshli erkak xotini va qaynanasini qasddan o‘ldirdi.
- Farg‘onada erkak bir guruh do‘stlari bilan sobiq kuyovini do‘pposladi.
- Chinozda uka o‘z opasini o‘ldirib, 7 kun uyda saqladi.
- Samarqandda qaynona kelinini quvvatlagich simi bilan bo‘g‘ib o‘ldirdi.
- Andijonlik o‘qituvchi ayol pichoqlab o‘ldirildi. Gumonlanuvchi er qo‘lga olindi.
- Namanganda erkak do‘konda xotinini pichoqlab o‘ldirdi.
- Surxondaryoda ayoliga tazyiq o‘tkazgan erkak qamaldi.
Izoh (0)