Namangan viloyatida o‘z jiyanlari va kelinoyisini “svet” hamda gaz sabab vaxshiylarcha o‘ldirgan erkak umrbodga qamaldi. Bu haqda Oliy sud axborot xizmati “Daryo”ga xabar berdi.
Maʼlum qilinishicha, sudlanuvchi M.A.ning otasi o‘zining ukasi bilan avvaldan uy-joy va maishiy nizolar tufayli muntazam janjallashib kelgan va oqibatda har ikkala oila aʼzolarining bir-birlariga nafrati oshib borgan. Shu bois ukasi Rossiyaga ishlashga ketgan bo‘lishiga qaramasdan, uning oila aʼzolari o‘zlari yashab kelayotgan xonadon orqali elektr va gaz tarmog‘iga ulangan M.A.ning uyini xonadon egalarini ogohlantirmagan holda muntazam gaz va elektr tarmog‘idan o‘zboshimchalik bilan uzib qo‘yib kelgan.
2024-yil 9-avgust kuni soat 20:00 atrofida o‘z uyiga kelgan M.A. xonadoni amakisining turmush o‘rtog‘i M.R. tomonidan elektr tarmog‘idan uzib qo‘yilganidan xabar topib, buning uchun o‘ch olmoqchi bo‘lgan. Shu maqsadda kelinoyisi va voyaga yetmagan farzandlarini qasddan o‘ldirishni rejalashtirgan.
Rejaga ko‘ra, shu kuni o‘zi yashab kelayotgan xonadonda ro‘zg‘or uchun foydalaniladigan pichoqni olib, soat 20:30 atrofida amakisining xonadoniga kirib, dastlab xonadon hovlisida tomorqa tomonga harakatlanib ketayotgan, I.M.ning 2011-yilda tug‘ilgan 14 yoshga to‘lmagan farzandi orqasidan yugurib yetib olib, qo‘lidagi pichoq bilan hayot uchun muhim aʼzosi bo‘lgan bo‘yin qismiga, so‘ngra qorin va ko‘krak qismlariga o‘ta shafqatsizlik bilan ko‘p marotaba sanchib, 29 marotaba jarohatlar yetkazib, uni qasddan o‘ldirgan.
Shundan so‘ng xona eshigidan uning harakatlarini kuzatib turgan, so‘ng jon saqlash uchun qochayotgan M.R.ni qasddan o‘ldirish maqsadida ortidan yotoqxonasiga qadar quvib yetib olib, bo‘yin va ko‘krak qismlariga ko‘plab sanchilgan, kesilgan jami 42 marotaba jarohatlar yetkazib, uni qasddan o‘ldirgan.
Bundan tashqari, uning bu harakatlaridan qo‘rqib, xonadon oshxonasiga kirib yashirinib olgan M.M.ni qasddan o‘ldirish maqsadida qo‘lidagi pichoq yordamida ichkaridan qulflangan oshxona eshigini ochayotganida pichoq singani uchun eshikni tepib ochgan va shu xonada stol ustida turgan oshxona pichog‘ini qo‘liga olib, M.M.ni qasddan qorin va ko‘krak qismlariga ko‘plab sanchilgan, kesilgan jami 39 marotaba jarohat yetkazib, uni qasddan o‘ldirgan.
Sud hukmiga ko‘ra, u Jinoyat kodeksining 97-moddasi 2-qismining “a,v,j” bandlarida nazarda tutilgan jinoyatni sodir etganlikda aybli deb topildi va unga nisbatan favqulodda jazo chorasi — umrbod ozodlikdan mahrum qilish jazosi tayinlandi.
Pichoqlash bilan yakunlangan oilaviy janjallar
Surxondaryo viloyatida erkak qaynukasi tomonidan, Samarqandda 70 yoshli erkak 60 yoshli qaynukasi tomonidan pichoqlangandi. Buxoroda er janjal sabab xotinini pichoqlagani, Jizzaxda er rashk sabab avval xotinini, keyin esa o‘zini pichoqlab o‘ldirgani, Vobkent tumanida mast fuqaro qaynukasini pichoqlagani to‘g‘risida xabar berilgandi.
- Chinozda 25 yoshli erkak xotini va qaynanasini qasddan o‘ldirdi
- Farg‘onada erkak bir guruh do‘stlari bilan sobiq kuyovini do‘pposladi
- Chinozda uka o‘z opasini o‘ldirib, 7 kun uyda saqladi
- Samarqandda qaynona kelinini quvvatlagich simi bilan bo‘g‘ib o‘ldirdi
- Andijonlik o‘qituvchi ayol pichoqlab o‘ldirildi. Gumonlanuvchi er qo‘lga olindi
Izoh (0)