Buxoro viloyati Vobkent tumanida 5-yanvar kuni mast fuqaro qaynukasini pichoqladi. Bu haqda viloyat Ichki ishlar boshqarmasi axborot xizmati xabar berdi.
Ma’lum bo‘lishicha, shu kuni soat 22:00 da P.A. spirtli ichimlik iste’mol qilib, mast holatda uyida qaynukasi S.M. bilan oilaviy kelishmovchilik sababli janjallashib qolgan.
Shundan so‘ng P.A. janjal vaqtida qo‘lidagi oshxona pichog‘i bilan uning chap yelka qismiga qasddan bir marta urib, hayot uchun xavfli bo‘lgan og‘ir shikast yetkazgan.
Mazkur holat yuzasidan tuman ichki ishlar bo‘limi tomonidan P.A.ga nisbatan Jinoyat kodeksining 104-moddasi 2-qismi bilan jinoyat ishi qo‘zg‘atilib, hozirda dastlabki tergov harakatlari olib borilmoqda.
Mavzuga doir:
Izoh (0)