Surxondaryo viloyati Uzun tumanida 30-aprel kuni erkak qaynukasi tomonidan pichoqlandi. Bu haqda viloyat IIB axborot xizmati xabar berdi.
Xabarga ko‘ra, hodisa 30-aprel kuni soat 20-30 larda Uzun tumani “Madaniy turmush” mahallasida sodir bo‘lgan. Ushbu mahallada yashovchi, S.S. yashash uyida turmush o‘rtog‘i M.S.ning ukasi — M.S. tomonidan pichoqlangan.
Holat bo‘yicha 3-may kuni M.S.ga nisbatan Jinoyat kodeksining 105-moddasi 2-qismi bilan jinoyat ishi qo‘zg‘atilgan.
Pichoqlash bilan yakunlangan oilaviy janjallar
Mart boshlarida Buxoroda er janjal sabab xotinini pichoqlagani, Jizzaxda er rashk sabab avval xotinini keyin esa o‘zini pichoqlab o‘ldirgani, Vobkent tumanida mast fuqaro qaynukasini pichoqlagani to‘g‘risida xabar berilgandi.
Shuningdek, 2022-yilning dekabrida Toshkent viloyatida kelin oilaviy kelishmovchilik oqibatida qaynonasini kamida 20 marotaba pichoqlagan edi. Ushbu holat yuz bergan xonadonda qaynona-kelin chiqisha olmay qolgan. Pichoqlangan qaynonaning aytishicha, 9 oydan beri kelini uning gaplariga kirmay, aytgan ishlarini qilmay kelgan.
Izoh (0)