Тошкент шаҳар Шайхонтоҳур туманида эркак 2 киши томонидан бўғиб ўлдирилди. Бу ҳақда “Миллар” дастурида хабар берилди.
Келтирилишича, Шайхонтоҳур туманида фуқаронинг ўлдирилиши билан боғлиқ жиноят иши бўйича суд жараёни якунига етди. Жиноят ишлари бўйича Шайхонтоҳур туман судида кўриб чиқилган ишда икки нафар судланувчига нисбатан ҳукм чиқарилди.
Тергов материалларига кўра, судланувчилардан бири жабрланувчидан 14,5 минг доллар миқдорда қарз олган ва уни белгиланган муддатда қайтармаган. Ушбу ҳолат ортидан юзага келган келишмовчилик жиноятга олиб келган.
Аниқланишича, судланувчи таниши билан биргаликда жабрланувчини ўлдириш режасини тузган. Жиноят содир этилгач, марҳумнинг жасади автомашина юкхонасига ортилган ва хилват жойга ташлаб кетилган.
Шунингдек, айбланувчилардан бири марҳумнинг қаердалигини билганига қарамай, унинг оиласи билан бирга қидирувга чиқиб, жиноятини яширишга ҳаракат қилган. Иккинчи судланувчи эса жасадни бир неча соат машинада олиб юриб, кейинчалик хилват жойга ташлаб кетган.
Суд томонидан барча далиллар атрофлича ўрганилиб, судланувчиларнинг ҳаракатлари оғир жиноят сифатида баҳоланди. Натижада ҳар иккала айбланувчи узоқ муддатли озодликдан маҳрум этиш жазоси билан жазоланди — уларга 20 йилдан озодликдан маҳрум қилиш жазоси тайинланди.
Жиноят билан якунланган жанжаллар
Сурхондарё вилоятида эркак қайнукаси томонидан, Самарқандда 70 ёшли эркак 60 ёшли қайнукаси томонидан пичоқланганди. Бухорода эр жанжал сабаб хотинини пичоқлагани, Жиззахда эр рашк сабаб аввал хотинини, кейин эса ўзини пичоқлаб ўлдиргани, Вобкент туманида маст фуқаро қайнукасини пичоқлагани тўғрисида хабар берилганди.
- Чинозда 25 ёшли эркак хотини ва қайнанасини қасддан ўлдирди.
- Фарғонада эркак бир гуруҳ дўстлари билан собиқ куёвини дўппослади.
- Чинозда ука ўз опасини ўлдириб, 7 кун уйда сақлади.
- Самарқандда қайнона келинини қувватлагич сими билан бўғиб ўлдирди.
- Андижонлик ўқитувчи аёл пичоқлаб ўлдирилди. Гумонланувчи эр қўлга олинди.
- Наманганда эркак дўконда хотинини пичоқлаб ўлдирди.
- Сурхондарёда аёлига тазйиқ ўтказган эркак қамалди.
Изоҳ (0)