Angliyaning “Manchester Yunayted” klubi Londonning “Chelsi” jamoasida to‘p surayotgan hujumkor yarim himoyachi Kristofer Nkunkuni yozgi transfer oynasida xarid qilishni rejalashtirmoqda. Bu haqda Mirror nashri xabar bergan.
Manbaga ko‘ra, “Chelsi” fransiyalik futbolchini yangi mavsum rejasiga kiritmagan. Bunga sabab, klub yaqinda Joau Pedro va Liam Delap kabi hujumchilarni tarkibga qo‘shib oldi. Shu bois “aristokratlar” Nkunkuning ketishiga qarshi emas. “Manchester Yunayted” esa 27 yoshli futbolchini o‘z safida ko‘rishni istamoqda va uning uchun 40 million yevro taklif qilishga tayyor.
Ma’lumot uchun, Nkunku o‘tgan mavsumda barcha musobaqalar doirasida 46 ta o‘yinda maydonga tushib, 15 ta gol urgan va 5 ta golli uzatmaga mualliflik qilgan. Uning “Chelsi” bilan tuzgan shartnomasi 2029-yil yozigacha amal qiladi. Transfermarkt portali futbolchining qiymatini 35 million yevroga baholagan.
Izoh (0)