“The Sun” nashri xabariga ko‘ra, “Fenerbahche” bosh murabbiyi “Everton” klubini boshqarishi mumkin. Portugaliyalik mutaxassis APL jamoasining bosh murabbiylik lavozimiga asosiy nomzod sifatida qaralmoqda.
Hozirda “Everton” Premyer Liga turnir jadvalining 16-pog‘onasida joylashgan bo‘lib, jamoa 19 o‘yindan so‘ng 17 ochko to‘plagan.
Ma’lumot uchun, Mourinyo 2024-yil yozida “Fenerbahche”ni boshqarishga kirishgan edi. U avvalroq “Roma”, “Tottenhem”, “Manchester Yunayted”, “Chelsi”, “Real Madrid”, “Portu”, va “Benfika” kabi klublarda faoliyat olib borgan.
Avvalroq murabbiy “Real”dan ketgani hayotidagi katta xatolardan biri bo‘lgani haqida aytgandi. Mutaxassis 2010—2013-yillarda “Real Madrid”ni boshqargan. 2011-12 yillarda La Liga chempionligini qo‘lga kiritgan va to‘rt mamlakatda chempionlikni qo‘lga kiritgan beshinchi murabbiyga aylangan.
Izoh (0)