“Manchester Yunayted” klubi “Brentford” hujumchisi Brayan Mbeumoni xarid qilish bo‘yicha rasmiy taklif yubordi. Bu haqda The Times nashri xabar bermoqda.
Manbaga ko‘ra, “qizil iblislar” kamerunlik 25 yoshli vinger uchun 60 million funt sterlingdan ortiq (taxminan 70 million yevro) miqdorida pul taklif qilgan.
Biroq “Brentford” Mbeumoni bundan ham qimmatroqqa baholamoqda — klub uni kamida 70 million funtga (81,9 million yevro) sotmoqchi.
Mbemoga boshqa klublar ham qiziqish bildirmoqda. Avvalroq “shporlar” Mbeumoga 65 million funt hamda qo‘shimchasiga 5 million bonus taklif qilgani xabar qilingan edi.
Ammo 25 yoshli hujumchi “Manchester Yunayted”ga o‘tishga qaror qilib, “Tottenhem”, “Arsenal” va “Nyukasl” klublarining qiziqishlarini rad etdi. Futbolchi klub rahbariyatiga “qizil iblislarga” bilan shartnoma imzolashni xohlayotganini ma’lum qilgan.
Hozirda “Manchester Yunayted” va “Brentford” o‘rtasida bevosita muzokaralar olib borilmoqda. Shaxsiy shartnomalar bo‘yicha kelishuvga erishilgan va Mbeumoning haftasiga 250 ming funt (277 ming yevro) maosh olishi kutilmoqda.
Brayan Mbeumo 2024/25-yilgi mavsumda barcha musobaqalar doirasidagi 42 o‘yinda maydonga tushib, o‘z hisobiga 20 ta gol va 9 ta golli uzatma yozdirib qo‘ygan.
Uning “Brentford” bilan amaldagi shartnomasi 2026-yil yozigacha mo‘ljallangan. Transfermarkt portali ma’lumotiga ko‘ra, futbolchining qiymati 55 million yevroni tashkil etadi.
Izoh (0)