Transfermarkt: APLda narxida eng ko‘p o‘zgarish bo‘lgan futbolchilar

Angliya chempionatida o‘ynaydigan futbolchilarning transfer narxi yangilandi. O‘zbekiston terma jamoasi a’zosi Abduqodir Husanovning summasi 12 million yevrodan 35 million yevroga ko‘tarildi.

Transfermarkt portali Angliya Premyer Ligasining narxi eng ko‘p ko‘tarilgan futbolchilar reytingini e’lon qildi.

Ro‘yxatda birinchi o‘rinni “Chelsi” yarim himoyachisi Koul Palmer egalladi. Uning bozor qiymati 40 million yevroga oshib, 130 million yevroga yetdi. Ikkinchi pog‘onadan “Nyukasl” hujumchisi Aleksander Isak joy oldi (+25 million yevro), kuchli uchlikni esa “Arsenal” vingeri Itan Nvaneri yakunladi (+25 million yevro).

Narxi eng qimmatlashgan futbolchilar (top-10):

1. Koul Palmer (“Chelsi”) — 130 mln yevro (+40 mln yevro)
2. Aleksander Isak (“Nyukasl”) — 100 mln yevro (+25 mln yevro)
3. Itan Nvaneri (“Arsenal”) — 55 mln yevro (+25 mln yevro)
4. Dean Xeysen (“Bornmut”) — 42 mln yevro (+24 mln yevro)
5. Abduqodir Husanov (“Manchester Siti”) — 35 mln yevro (+23 mln yevro)
6. Niko Gonsalesh (“Manchester Siti”) — 40 mln yevro (+22 mln yevro)
7. Maylz Lyuis-Skelli (“Arsenal”) — 28 mln yevro (+18 mln yevro)
8. Vitor Reys (“Manchester Siti”) — 30 mln yevro (+16 mln yevro)
9. Omar Marmush (“Manchester Siti”) — 75 mln yevro (+15 mln yevro)
10. Rayan Gravenberx (“Liverpul”) — 70 mln yevro (+15 mln yevro)

Shuningdek, Angliya chempionatida narxida katta pasayish kuzatilgan futbolchilar ham bor.

Reytingda “Liverpul” hujumchisi Darvin Nunyes, “Manchester Siti” yarim himoyachisi Bernardu Silva va “Manchester Yunayted” forvardi Rasmus Xoylund birinchi o‘rinni bo‘lishib oldi. Ularning transfer qiymati 15 million yevroga kamaydi.

Narxi eng arzonlashgan futbolchilar (top-10):

1. Darvin Nunyes (“Liverpul”) — 50 mln yevro (-15 mln yevro)
2. Bernardu Silva (“Manchester Siti”) — 45 mln yevro (-15 mln yevro)
3. Rasmus Hoylund (“Manchester Yunayted”) — 45 mln yevro (-15 mln yevro)
4. Fil Foden (“Manchester Siti”) — 130 mln yevro (-10 mln yevro)
5. Martin Edegor (“Arsenal”) — 100 mln yevro (-10 mln yevro)
6. Kristian Romero (“Tottenhem”) — 55 mln yevro (-10 mln yevro)
7. Jeyms Meddison (“Tottenhem”) — 50 mln yevro (-10 mln yevro)
8. Jek Grilish (“Manchester Siti”) — 35 mln yevro (-10 mln yevro)
9. Mikel Merino (“Arsenal”) — 35 mln yevro (-10 mln yevro)
10. Deklan Rays (“Arsenal”) — 110 mln yevro (-10 mln yevro)

Ma’lumot uchun, Angliya chempionati 29-turidan keyin “Liverpul” 70 ochko bilan turnir jadvalida yetakchilik qilmoqda. Keyingi o‘rinlardan “Arsenal” (58 ochko) va “Nottingem Forest” (54 ochko) joy olgan.