Sport tadqiqotlari xalqaro markazi (CIES Football Observatory) tomonidan taqdim etilgan haftalik hisobotga ko‘ra, dunyo bo‘yicha eng ko‘p obunachiga ega 100 ta futbol klubi reytingi tuzildi. Ushbu ro‘yxat X (avvalgi Twitter), Instagram, Facebook, TikTok va YouTube ijtimoiy tarmoqlaridagi kuzatuvchilar soniga asoslangan.
Reytingda Ispaniyaning “Real Madrid” klubi birinchi o‘rinni egalladi. Jamoaning umumiy obunachilar soni 470 milliondan oshgan. Klub 2024-yil iyun oyi boshidan buyon 45,3 million yangi obunachi qo‘shgan, bu esa 11 foizlik o‘sishni tashkil etadi. Ikkinchi o‘rinda esa ularning azaliy raqibi — “Barselona” (427,4 million obunachi) joy olgan (+44,4 mln, +12,3%).
Uchinchi o‘rinda Angliyaning “Manchester Yunayted” klubi (233,6 mln, +7,3 mln, +3,4%) joylashgan, to‘rtinchi pog‘onada esa Fransiyaning “Parij Sen-Jermen” jamoasi (199,4 mln +6,3 mln, +3,4%) qayd etilgan.
Top o‘ntalikdan yana to‘rt ingliz klubi — “Manchester Siti”, “Liverpul”, “Chelsi” va “Arsenal”, Germaniyaning “Bavariya” hamda Italiyaning “Yuventus” klublari ham o‘rin olgan.
Ijtimoiy tarmoqda eng ko‘p obunachiga ega top-10 klub:
- “Real Madrid” — 473,7 mln (45,3 mln, +11%)
- “Barselona” — 427,4 mln (+44,4 mln, +12,3%)
- “Manchester Yunayted” — 233,6 mln (+7,3 mln, +3,4%)
- “Parij Sen-Jermen” — 199,4 mln (+6,3 mln, +3,4%)
- “Manchester Siti” — 179,5 mln (+12,7 mln, +8,0%)
- “Yuventus” — 174,9 mln (+9,2 mln, +5,9%)
- “Liverpul” — 166,7 mln (+10,9 mln, +7,5%)
- “Chelsi” — 152,9 mln (+5,3 mln, +3,8%)
- “Bavariya” — 149,1 mln (+7,1 mln, +5,1%)
- “Arsenal” — 114,1 mln (+7,0 mln, +6,9%)
Yevropadan tashqari eng ommabop klublar:
- “Flamengo” (Braziliya) — 62,0 mln (+4,8 mln, +8,8%)
- “An-Nassr” (Saudiya Arabistoni) — 60,2 mln (+4,9 mln, +9,0%)
- “Al-Ahli” (Misr) — 53,7 mln (+5,2 mln, +10,2%)
Obunachilar soni bo‘yicha katta o‘sishga erishgan klublar:
- “Atletiko Madrid” — +13,9 mln (+23,1%)
- “Santos” (Braziliya) — +82% nisbiy o‘sish
- “Korintians” (Braziliya) — +12,7%
- “Galatasaroy” — +11,3%
- “Borussiya Dortmund” — +11,2%
- “Inter” (Italiya) — +11,0%
Izoh (0)