APL. “Liverpul” va “Arsenal” g‘alaba qozondi, “Everton” o‘z uyida yirik hisobda mag‘lubiyatga uchradi

Futbol bo‘yicha Angliya premyer ligasining birinchi tur uchrashuvlariga start berildi.

16-avgust, juma kuni “Manchester Yunayted” jamoasi “Fulhem”ga qarshi bahs olib bordi. Uchrashuv taqdirini “qizil iblislar” futbolchisi Zirkze tomonidan 87-daqiqada urilgan gol hal qildi. 

Shanba, 17-avgust kuni bir nechta uchrashuvlar bo‘lib o‘tdi. 

“Ipsvich” — “Liverpul” 0:2

22 yillik tanaffusdan so‘ng Premyer Ligaga qaytgan “Ipsvich” “Liverpul”ga yetarlicha qarshilik qildi. 

Birinchi bo‘limda tenglik kuzatildi va ikki jamoa ham darvozaga yo‘l topa olmadi. Ikkinchi bo‘limda mehmonlar tashabbusni o‘z qo‘liga oldi va Salohning goli hamda assisti evaziga 3 ochkoni qo‘lga kiritdi.

Qiziqarlisi, Arne Slot XXI asrda debyutida g‘alaba qozongan “Liverpul”ning birinchi murabbiyiga aylandi.

Gollar: 1:0— Jota (60), 2:0—Saloh (65).

“Arsenal” — “Vulverhemton” 2:0

Chempionlikka asosiy da’vogarlardan biri “Arsenal” o‘z maydonida “Vulverhempton” ustidan g‘alaba qozondi. Uchrashuvning 25-daqiqasida Haverts hisobni ochdi unga Saka hammualliflik qildi.

Ikkinchi bo‘limda Saka hisobni yakuniy—2:0 ko‘rinishiga olib keldi. Bu safar unga Haverts golli uzatmani amalga oshirdi.

Gollar: 1:0—Haverts (25), 2:0—Saka (74). 

Qolgan natijalar: 

“Nyukasl” — “Sauthempton” 1:0

Gol: 1:0—Joelinton (45).

“Everton” — “Brayton” 0:3

Gollar: 0:1—Mitoma (26), 0:2—Uelbek (56), 0:3—Adingra (87). 

“Nottinghem Forest” — “Bornmut” 1:1

Gollar: 1:0—Vud (23), 1:1—Semenio (87).

“Vest Hem” — “Aston Villa” 1:2

Gollar: 1:0—Onana (4), 1:1—Paketa (37, penalti), 1:2—Dyuran (79).

18-avgust kuni turning qolgan uchrashuvlari bo‘lib o‘tadi. “Brentford” klubi o‘z uyida “Kristal Pelas”ni qabul qiladi. Turning markaziy uchrashuvida “Manchester Siti” Londonning “Chelsi” klubi bilan bahs olib boradi. 
“Lester”—“Tottenhem” jamoalari o‘rtasidagi uchrashuv dushanba kuni bo‘lib o‘tadi.