Qashqadaryo viloyatining Shahrisabz shahar, “Kesh” MFY, Ipak yo‘li ko‘chasida joylashgan 2 ta do‘konda (qandolat va quruq mevalar) 30-iyun kuni soat 20:50 larda yong‘in sodir bo‘ldi. Bu haqda FVV matbuot xizmati xabar berdi.
Maʼlum qilinishicha, to‘rtta yong‘in-qutqaruv ekipaji soat 20:53 da voqea joyiga yetib borib, yong‘in soat 21:03 da o‘rab olingan va soat 21:10 da o‘chirilgan.
Hodisa oqibatida do‘konlarning taxminan 30 kv metr maydonda tom va ichki qismi yongan. Do‘konlar bozor hududida bo‘lmagan.
Yong‘in oqibatida tan jarohati olgan fuqarolar to‘g‘risida maʼlumot kelib tushmagan. Hozirda yong‘inning kelib chiqish sababi va zarari aniqlanmoqda.
So‘nggi vaqtlarda sodir bo‘lgan yong‘inlar
2024-yilning 13-oktyabr kuni Yunusobodda yangi qurilayotgan binoning tomi yonib ketgandi. 16-oktyabrda esa Mirobod tumanida joylashgan “Miran” mehmonxonasining qurilishi davom etayotgan eski binosida yong‘in chiqdi. Shuningdek, 20-oktyabr kuni soat 16:54 da Shayxontohur tumanidagi Bildirish tor ko‘chasida joylashgan xonadonlarda yong‘in sodir bo‘ldi.
Bundan tashqari, Olmazor tumani “Chinobod” MFY, Sag‘bon 30-berk ko‘chasida joylashgan 5-uydagi xonadonlarning birida 31-oktyabr kuni soat 02:13 da yong‘in sodir bo‘ldi. 20-noyabr kuni Toshkent shahar Mirzo Ulug‘bek tumani, “Lashkarboshi” MFY Niyozbek yo‘li ko‘chasida joylashgan umumiy ovqatlanish joyining dudburonida yong‘in sodir bo‘ldi. 31-dekabr kuni Chilonzor tumanidagi ovqat tayyorlash joyida yong‘in sodir bo‘lgan edi.
2025-yil 25-fevral kuni Toshkent shahrining Yashnobod tumani, Aviasozlar 4-dahasida joylashgan avtomobillar yuvish joyida yong‘in sodir bo‘lgandi.
Izoh (0)