Toshkentdagi Miran mehmonxonasida yong‘in chiqdi (foto va video)

Toshkent shahrining Mirobod tumanida joylashgan Miran mehmonxonasining qurilishi davom etayotgan eski binosida yong‘in chiqdi. 

Toshkent shahar Favqulodda vaziyatlar boshqarmasi axborot xizmatiga ko‘ra, yong‘in haqida boshqarmaga soat 17:17 da xabar berilgan. 

“Soat 17:17 da Toshkent shahar Mirobod tumani Shahrisabz ko‘chasida qurilish olib borilayotgan binoda yong‘in sodir bo‘layotgani to‘g‘risida xabar tushgan. Shunga ko‘ra yong‘in-qutqaruv ekipaji soat 17:24 da voqea joyiga yetib borib, hozirda yong‘inni o‘chirish ishlari amalga oshirilmoqda. Voqea joyiga Toshkent shahar FVB va Favqulodda vaziyatlar vazirligi rahbariyatidan mas’ullar chiqqan. Ushbu manzilda tan jarohati olgan va halok bo‘lganlar to‘g‘risida ma’lumot kelib tushmadi”, deyiladi boshqarma ma’lumotida. 

“Daryo” jurnalisti voqea joyidan reportaj tayyorladi. 

Ma’lum bo‘lishicha, voqea joyiga Favqulodda vaziyatlar vaziri ham yetib borgan. Shuningdek, Mirobod tumani hokimi boshchiligidagi sektor rahbarlari ham o‘sha yerda.