Қашқадарё вилоятининг Шаҳрисабз шаҳар, “Кеш” МФЙ, Ипак йўли кўчасида жойлашган 2 та дўконда (қандолат ва қуруқ мевалар) 30 июнь куни соат 20:50 ларда ёнғин содир бўлди. Бу ҳақда ФВВ матбуот хизмати хабар берди.
Маълум қилинишича, тўртта ёнғин-қутқарув экипажи соат 20:53 да воқеа жойига етиб бориб, ёнғин соат 21:03 да ўраб олинган ва соат 21:10 да ўчирилган.
Ҳодиса оқибатида дўконларнинг тахминан 30 кв метр майдонда том ва ички қисми ёнган. Дўконлар бозор ҳудудида эмас.
Ёнғин оқибатида тан жароҳати олган фуқаролар тўғрисида маълумот келиб тушмаган. Ҳозирда ёнғиннинг келиб чиқиш сабаби ва зарари аниқланмоқда.
Сўнгги вақтларда содир бўлган ёнғинлар
2024 йилнинг 13 октябрь куни Юнусободда янги қурилаётган бинонинг томи ёниб кетганди. 16 октябрда эса Миробод туманида жойлашган “Миран” меҳмонхонасининг қурилиши давом этаётган эски биносида ёнғин чиқди. Шунингдек, 20 октябрь куни соат 16:54 да Шайхонтоҳур туманидаги Билдириш тор кўчасида жойлашган хонадонларда ёнғин содир бўлди.
Бундан ташқари, Олмазор тумани “Чинобод” МФЙ, Сағбон 30-берк кўчасида жойлашган 5-уйдаги хонадонларнинг бирида 31 октябрь куни соат 02:13 да ёнғин содир бўлди. 20 ноябрь куни Тошкент шаҳар Мирзо Улуғбек тумани, “Лашкарбоши” МФЙ Ниёзбек йўли кўчасида жойлашган умумий овқатланиш жойининг дудбуронида ёнғин содир бўлди. 31 декабрь куни Чилонзор туманидаги овқат тайёрлаш жойида ёнғин содир бўлган эди.
2025 йил 25 февраль куни Тошкент шаҳрининг Яшнобод тумани, Авиасозлар 4-даҳасида жойлашган автомобиллар ювиш жойида ёнғин содир бўлганди.
Изоҳ (0)