O‘tgan yili Geneva Watch Days ko‘rgazmasida birinchi marta taqdim etilgan ThinKing soatining to‘liq ishlaydigan prototipi Phillips auksionida 600 ming dollarga sotildi va Konstantinning auksionlarda sotilgan eng qimmat soati bo‘ldi.
Hozirda ThinKing dunyoning eng ingichka soati unvoniga daʼvogar bo‘lib, uning qalinligi atigi 1,65 mm. Hozirgacha eng ingichka seriyalik soat modeli sifatida rasman 2024-yil bahorida Bvlgari tomonidan taqdim etilgan va 1,7 millimetr qalinlikka ega bo‘lgan Octo Finissimo Ultra COSC hisoblanar edi. Bir yil oldin ingichka soatlar poygasida RM UP-01 Ferrari modeli va kamida 1,75 millimetrli Richard Mille yetakchilik qilgan edi.
Bunday natijaga erishish uchun Konstantin Chaykin manufakturasi bir qator innovatsion yechimlarni qo‘lladi, masalan, baraban milidagi o‘ziga xos mexanizm, qopqoqdan voz kechish, shuningdek, soatni deformatsiyadan himoya qiladigan va yuklamani so‘ndiruvchi titan shpilli-supinatorlarga ega maxsus elastik kamar bilan ishlov berilgan.
ThinKing “Ristmonlar” liniyasining mantiqiy davomi bo‘lib, bu soatlar harakatlanuvchi “yuz” ga ega. Soatning vaqti “ko‘zlar” orqali ko‘rsatiladi – daqiqa va soatlar uchun ikkita alohida raqamli disk, manufaktura logotipi esa burun va og‘iz vazifasini bajaruvchi qotib qolgan tabassum rolini o‘ynaydi. Soatni maxsus asbob yordamida yoki soatga pastki tomondan biriktirilgan va soatni uzluksiz burashga imkon beradigan PalanKing tashqi korpusi yordamida burash mumkin. U bilan soat — 5,4 mm ga qalinroq bo‘ladi.
Izoh (0)