Hilton Auto Expo ko‘rgazmasi yana bir hafta davom etadi. Ko‘rgazma davomida tashrif buyuruvchilarni ajoyib taqdimotlar, yutuqli o‘yinlar, tyuning qilingan avtomobillar namoyishi, auksion va unumli narxlarda avtomobil sotib olish imkoniyati kutmoqda.
Ikki hafta davomida bo‘lib o‘tadigan keng ko‘lamli Hilton Auto Expo davom etmoqda. Ajoyib taqdimotlar, yutuqli o‘yinlar, tyuning qilingan avtomobillar namoyishi, auksion va unumli narxlarda avtomobil sotib olish imkoniyatidan yana bir hafta davomida bahramand bo‘lishingiz mumkin.
5-noyabr kuni Tashkent City sayilgohida barcha avtomobil ixlosmandlarini birlashtirgan ulkan tadbir boshlandi. Zamonaviy sayilgoh hududida ilk bor ko‘plab avtosalonlarning ko‘rgazma maydonlari tashkil etiladi. U yerda siz Hyundai, KIA, Renault, Hongqi, SamAuto, Tesla, Mercedes-Benz, BMW, Volvo, Maserati, Genesis, Ford, Subaru, Jaguar, Toyota, Lexus, Range Rover avtomobillari, shuningdek, ko‘plab turdagi mototsikllarni tomosha qilishingiz mumkin. Barcha taqdim etilgan avtomobillarni sotib olish imkoniyati mavjud.
Misol uchun, Hyundai ko‘rgazma maydonida Base komplektatsiyasidagi Elantra modelini 5 foiz chegirma bilan sotib olishingiz mumkin. Shuningdek, avtomobilni 24 oylik muddatli to‘lov asosida xarid qilish imkoniyati ham mavjud.
15-noyabr, dushanba kuni Liqui Moly brendining yutuqli o‘yini bo‘lib o‘tadi. Ishtirokchilar tanlov g‘olibini aniqlash marosimini tomosha qilishlari mumkin. Marosim hayajonli tarzda o‘tadi, chunki bosh sovrin sifatida “Restart” loyihasi tomonidan tyuning qilingan Nexia-2 avtomobili o‘ynaladi.
17-noyabr kuni Hilton Auto Expo ko‘rgazmasi doirasida elektromobillar savdosi bilan shug‘ullanuvchi eng yirik diler — Megawatt Motors avtosalonining taqdimoti bo‘lib o‘tadi.
20-noyabr kuni bo‘lib o‘tadigan yopilish marosimini o‘tkazib yubormang. Tadbir doirasida auksion o‘tkaziladi. Unda Rolls Royce Ghost avtomobilini sotib olish mumkin. Avtomobilning boshlang‘ich narxi — 999 999 000 so‘m.
Shuningdek, tantanali yopilish marosimi doirasida O2 Development kompaniyasi tomonidan o‘tkazilgan tanlov g‘olibi aniqlanadi. Tanlovda ishtirok etish uchun O2 Development stendining oldidagi Lamborghini Huracan Evo bilan suratga tushish, o2develpment.uz va modernsergeli.uz sahifalarini belgilash, Instagram stories’ga joylashtirish va tashkilotchilarning sahifalariga obuna bo‘lish lozim.
Eslatib o‘tamiz, ko‘rgazmaga kirish bepul, ro‘yxatdan o‘tish talab etilmaydi. Tadbirlar kun davomida bo‘lib o‘tadi, ya’ni tashrif buyuruvchilar bir necha marta kelishlari va stendlarning barchasi bilan tanishib chiqishlari mumkin.
Ko‘rgazmada avtomobillardan tashqari, turli xildagi motor moylari, shinalar, signalizatsiya va salon aksessuarlariga bag‘ishlangan stendlarni tomosha qilishingiz mumkin.
Keng ko‘lamli 15 kunlik tadbir hamkorlarning bevosita ko‘magi bilan o‘tkazilmoqda.
Dream City Development kompaniyasi tadbir hamkorlaridan biri hisoblanadi. Dream City Development — yuqori sifatli ko‘chmas mulk obyektlarini yaratishga ixtisoslashgan yangi avlod developer hisoblanadi. Kompaniyaning loyihalari orasida premium toifadagi Boulevard, Gardens Residence turar joy majmualari, Seoul Mun savdo va dam olish markazi kabi obyektlarni uchratishingiz mumkin.
Ko‘rgazmaning avtohamkori — avtomobil moylari, moylash materiallari va qo‘shimchalar ishlab chiqaruvchi Liqui Moly kompaniyasi. Global brend dunyoning 130 dan ortiq mamlakatlarida taqdim etilgan. 1957-yilda tashkil etilgan kompaniya faqatgina Germaniyaning o‘zida 4000 dan ortiq mahsulotlarni ishlab chiqaradi. O‘zining 60 yillik tarixi davomida Liqui Moly nufuzli brend sifatida xaridorlarning e’tiborini qozona olgan va motor moylari, avtokimyo mahsulotlari bozorida o‘zining yetakchi mavqeini saqlab qolgan.
Ko‘rgazma tashkilotchilari: Hilton mehmonxonasi va Tashkent City sayilgohi
Tadbir Toshkent shahar hokimligi ko‘magida o‘tkazilmoqda.
Telefon raqamlari: (+998) 33−343−8888, (+998) 90−989−8722.
Instagram: hiltonautoexpo
Telegram: t.me/hiltonautoexpo
Reklama huquqi asosida.
Izoh (0)