Rossiya tashqi ishlar vaziri Sergey Lavrov 22—23-aprel kuni rasmiy tashrif bilan O‘zbekistonda bo‘ladi. Bu haqda vazirlik vakili Mariya Zaxarova brifingda ma’lum qildi.
Tashrif davomida prezident Shavkat Mirziyoyev bilan uchrashish rejalashtirilgan. Bundan tashqari O‘zbekiston tashqi ishlar vaziri Baxtiyor Saidov bilan muzokaralar olib boriladi.
Asosiy e’tibor ikki tomonlama keng qamrovli strategik sheriklik va ittifoqchilikni yanada rivojlantirish masalalariga qaratiladi, deya ta’kidladi Zaxarova.
Muzokaralar chog‘ida vazirlar xalqaro masalalar, mintaqaviy xavfsizlik, Shanxay hamkorlik tashkiloti, Markaziy davlatlar hamdo‘stligi va “Markaziy Osiyo—Rossiya” doirasidagi hamkorlikka e’tibor qaratadi. Bundan tashqari G‘alabaning 80 yilligini nishonlashga tayyorgarlik masalalari ham muhokama qilinadi.
2024-yil oktyabr oyida Lavrovning O‘zbekistonga tashrifi qoldirilgan edi. Rossiya tashqi ishlar vazirining ish jadvalidagi o‘zgarishlar bunga sabab bo‘lgan. Siyosatchi oxirgi marta 2022-yil iyul oyida prezident Shavkat Mirziyoyev bilan uchrashgan. Tomonlar O‘zbekiston—Rossiya strategik sheriklik va ittifoqchilik munosabatlari kun tartibidagi dolzarb masalalarni ko‘rib chiqqan.
Izoh (0)