O‘zbekiston va Rossiya mudofaa vazirlarining uchrashuvi bo‘lib o‘tdi, deb xabar bermoqda Mudofaa vazirligi.
Ma’lum qilinishicha, O‘zbekiston mudofaa vaziri general-mayor Shuhrat Xolmuhamedov Moskva shahriga qilgan amaliy tashrifi davomida Rossiya Federatsiyasi mudofaa vaziri Andrey Belousov bilan uchrashdi.
Uchrashuvda mudofaa vazirlari O‘zbekiston va Rossiya o‘rtasida ko‘plab sohalarda olib borilayotgan hamkorlik ikki mamlakat o‘rtasidagi aloqalarni yanada mustahkamlashga xizmat qilayotganini ta’kidladi.
Uchrashuv yakunida O‘zbekiston va Rossiya mudofaa vazirlari 2026—2030-yillarga mo‘ljallangan harbiy hamkorlik rejasini imzoladi.
Tashqi ishlar vaziri o‘rinbosari B.Usmonov 2-may kuni Rossiyaning O‘zbekistondagi elchisi O.Malginov bilan uchrashuv o‘tkazgan edi.
Muzokaralar chog‘ida O‘zbekiston-Rossiya hamkorligining ustuvor yo‘nalishlari yuzasidan atroflicha fikr almashildi. Tomonlar kun tartibining dolzarb masalalarini muhokama qildilar hamda ikki va ko‘p tomonlama hamkorlik doirasida oliy va yuqori darajadagi bo‘lajak tadbirlar jadvalini kelishib oldi.
Tomonlar O‘zbekiston va Rossiya o‘rtasidagi konsullik-huquqiy masalalar bo‘yicha hamkorlik yuqori darajada ekanini ta’kidladi: har yili konsullik masalalari yuzasidan maslahatlashuvlar o‘tkazilmoqda.
Izoh (1)
Maqolaga yaxshi baho berish noo‘rin menimcha, nima uchun bu ikki davlat o‘rtasida harbiy kelishuv imzolandi, u qildi, bu qildi bizga quruq gaplardan nima foyda jurnalist sifatida chuqurroq yondashing va aynan nima haqida kelishdi o‘zbekiston yoki o‘zbek xalqi uchun qanday yaxshi, yomon tomonlari bor biz bu davlat fuqarosi sifatida bilishimiz kerak va to‘la darajada haqlimiz