Koreys dramalari doimo yuqori standartlar asosida ishlab chiqilishi va turli jabhalarni qamrab olishi tufayli butun dunyo bo‘ylab muxlislarga ega bo‘ldi. Koreys seriallari nafaqat romantika va melodrama, balki jangovar, ilmiy, fantastika va boshqa ko‘plab janrlarni o‘z ichiga oladi. Quyida so‘nggi yillarda tomoshabinlar tomonidan yuqori baholangan eng qiziqarli koreys seriallarini havola etamiz.
“Jahannam chorlovi” (2021)
Mazkur serial premyerasi 2021-yil 19-noyabrda bo‘lib o‘tdi. Dramada hozirgi zamondagi voqealar bayon qilinadi. Syujetga ko‘ra, barcha insonlar qancha umri qolgani haqida g‘alati matnli xabarlarni qabul qiladi. Bularning ortidan do‘zaxdan tashrif buyurgan va o‘zi bilan gunohkor insonlarni olib ketadigan yirtqich hayvonlar paydo bo‘ladi.
“Sevgi parvozi” (2019-2020)
Seri Yun badavlat oilaning merosxo‘ri va Koreyadagi bir qancha taniqli brendlarning egasi bo‘ladi. Uning hayoti tashqi tomondan idealdek tuyuladi, lekin aslida uning umri dahshatli tushga o‘xshaydi. Oilasi bilan murakkab munosabatlar tufayli Seri Yun barcha narsaga o‘zi erishadigan va sovuqqon xonimga aylanadi.
Kunlarning birida qahramon paraplanda uchish paytida Shimoliy Koreyaga tushib qoladi. Begona davlat fuqarosini kapitan Chon Hyok Ri topib oladi. Harbiylar adashib kelib qolgan qizni himoya qilishga va uni imkon qadar tezroq o‘z vataniga qaytishiga yordam berishga qaror qiladi. Bu orada Seri va Chon Hyok o‘zlari bilmagan holda bir-birlarini sevib qoladi.
“Vinchenzo” (2021)
Pak Ju Hyon kriminal avtoritet Don Fabioning asrab olingan o‘g‘lidir. Yigit oila a’zolari bilan birgalikda noqonuniy ishlarni amalga oshiradi va kelajakda bu borada hech qanday muammo yuzaga kelmasligiga ishonadi. Ammo jinoiy guruh rahbari vafotidan keyin Fabioning boshqa o‘g‘li Ju Hyonni o‘ldirishga harakat qiladi. Bosh qahramon Janubiy Koreyaga qochib ketishga muvaffaq bo‘ladi va u yerda Hon Cha Yon bilan tanishadi.
“Itevon sinfi” (2020)
Pak Seroi — davlat maktabi o‘quvchisi bo‘lib, murakkab xarakteri tufayli o‘z hayotini barbod qiladi. U nufuzli shaxslarning farzandi bilan janjallashib, maktabdan haydaladi. So‘ng yigit qamoqqa tushadi va bir necha yildan keyin ozod bo‘ladi. Keyinroq u do‘stlari bilan birgalikda raqibi Chan Ginvonga qarshi turish uchun yangi restoran ochadi.
“Yovuzlik guli” (2020)
Pek Hi Son baxtli turmush o‘rtoq va ota bo‘ladi, uning sevimli ishi nafaqat yaxshi daromad, balki hayotiga quvonch ham keltiradi. U rafiqasi bilan shirin qizalog‘ini voyaga yetkazish bilan mashg‘ul bo‘ladi va hayoti doim shunday yaxshi bo‘lishini orzu qiladi. Ammo uning ayoli Cha Ji Von navbatdagi tergov ishlari bilan shug‘ullanar ekan, eri o‘ta shafqatsiz qotil bilan aloqasi borligini bilib qoladi.
“Goblin” (2016-2017)
Tokkebi to‘qqiz asr vaqt davomida jin shaklida yashab yuradi. U bir vaqtlar Kim Shin ismli mashhur sarkarda bo‘lgan, lekin qirol uning hokimiyatga ta’siri va kuchidan qo‘rqqani tufayli hiyla-nayranglari bilan hokimiyatni o‘z qo‘liga olish maqsadida Kim Shin va uning barcha askarlarini qirib tashlaydi. Natijada Kimning ruhi la’natlandi va u Tokkebiga — o‘lmas jinga aylanadi. Bu holatdan chiqib ketish uchun Tokkebi ko‘kragidagi qilichni sehrli kuchga ega inson olib tashlashi kerak bo‘ladi.
“1988-yilga qaytib” (2015-2016)
Serial syujeti Tobongu hududidagi bir ko‘chada o‘sgan do‘stlar haqidadir. Unda nafaqat yoshlar, balki kattalar hayotida uchraydigan muammolarga e’tibor qaratilgan. Bosh qahramonlar o‘smirlikda bo‘ladigan qiyinchiliklarni o‘tkazishi hamda vaqt o‘tib, ulg‘ayishlari kerak bo‘ladi.
“Merosxo‘rlar” (2013)
Mashhur koreys aktyorlari ishtirokidagi drama o‘z vaqtida haqiqiy xitga aylangan. Birinchi epizod chiqqanidan sakkiz yil o‘tganiga qaramay, drama Janubiy Koreyadagi eng yaxshi loyihalar ro‘yxatida qolmoqda.
“Merosxo‘rlar” dramasida tashqi tomondan baxtli ko‘rinadigan, lekin aslida ularning har biri ota-onalari bilan qiyin munosabatda bo‘lgan badavlat maktab o‘quvchilari haqida hikoya qilinadi.
Izoh (0)