Janubiy Koreyaning eng badavlat aktyorlari (foto)

Quyida 2024-yilda Koreyaning eng boy yettita aktyor va aktrisalari ro‘yxatini taqdim etamiz.

1. Kim Su Xyon

Ko‘plab mukofotlarga sazovor bo‘lgan 36 yoshli aktyor Kim Su Xyon “Ko‘z yoshlar qirolichasi” (2024) seriali chiqishidan oldin ham mashhur va butun dunyoda tanilgan edi. Aktyorlik karyerasidagi uch yillik tanaffusdan oldin u bir nechta boshqa mashhur seriallarda, jumladan, “Orzular” (2011), “Oy quchog‘idagi quyosh” (2012), “Yulduzli odam” (2013), “Telba, lekin hammasi joyida” (2020) va “Oddiy bir kunda” filmlarida rol o‘ynagan.

Bir epizod uchun taxminiy ish haqi: 423 000 dollar

2. Li Chon Je

Li Chon Je Janubiy Koreya kinosanoatida yangi aktyor emas, lekin aynan “Kalmar o‘yini” (2021) trilleri unga olamshumul shon-shuhrat olib keldi. U tezda talabgir aktyorga aylanib, brendlar u bilan shartnoma imzolay boshladi. Uning o‘zi eng yaxshi rol uchun bir nechta xalqaro mukofotlarni qo‘lga kiritib, tarixga kirdi. 

Bir epizod uchun taxminiy ish haqi: 248 000 dollar

3. Son Jun Ki

Son Jun Ki “Yaxshi yigit” (2012), “Quyosh avlodlari” (2016), “Asdal yilnomalari” (2019), “Vinchenso” (2021) va “Magnatning kenja o‘g‘li” (2022) kabi mashhur seriallar orqali tanish. 2012-yildan beri u olti marta Forbes Korea jurnalining “40 ta eng nufuzli mashhurlar” ro‘yxatiga kiritilgan va to‘rt marta eng yaxshi o‘ntalikka kirgan.

Bir epizod uchun taxminiy ish haqi: 228 500 dollar

4. Son Xe Gyo

Son Xe Gyo 2000-yillarning boshidan boshlab ekranlarda paydo bo‘la boshladi. U “Kuz ertagi” (2000), “To‘liq uy” (2004), “Bu qish shamol esadi” (2013), “Quyosh avlodlari” (2016) va “Boyfriend” (2018) filmlaridagi bosh rollari bilan dunyo bo‘ylab mashhurlikka erishdi. 2022-yilda aktrisa “Shuhrat” serialida rol o‘ynadi, bu Netflix tarixidagi eng yaxshi o‘nta ingliz tilida bo‘lmagan seriallar qatoriga kirdi.

Bir epizod uchun taxminiy ish haqi: 163 000 dollar

5. Chon Chji Xyon

Chon Chi Xyon butun dunyoda shov-shuvga sabab bo‘lgan va Koreya kinosida katta yutuq bo‘lgan “Badfe’l qiz” (2001) romantik komediyasidagi roli tufayli mashhurlikka erishdi. U, shuningdek, “Yulduzli odam” (2013), “Moviy dengiz afsonasi” (2016), “Qirollik: Shimoldagi Ashin” (2021) va “Chirisan” (2021) kabi mashhur seriallarda rol o‘ynagan.

Bir epizod uchun taxminiy ish haqi: 163 000 dollar

6. Li Yon E

Li Yon E 2003-yilda chiqarilgan va madaniyat va turizmga sezilarli ta’sir ko‘rsatgan “Saroy javohiri” tarixiy serialidagi roli tufayli mashhur bo‘ldi. 2006-yilda u aktyorlik faoliyatini yakunlaganini e’lon qilganiga qaramay, 2017-yilda “Saimdan — yorug‘lik kundaligi” serialida suratga tushadi. Tabiiy go‘zalligi bilan tanilgan Li keyinchalik “Inspektor Gu” (2021) va “Ustoz: Haqiqat torlari” (2023) seriallarida bosh rollarni oldi.

Bir epizod uchun taxminiy ish haqi: 160 000 dollar

7. Xyon Bin

Muvaffaqiyati xalqaro miqyosda “Hallyu”ning bosh yulduzi maqomini mustahkamlagan Xyon Bin birinchi marta “Mening ismim Kim Sam Sun” (2005) serialidagi roli tufayli keng shuhrat qozondi. Bundan tashqari, u “Sirli bog‘” (2010), “Algambra xotiralari” (2018) kabi shov-shuvli seriallarda va Koreya kabel televideniyesi tarixidagi eng yuqori reytingli koreys seriallaridan biri bo‘lgan “Muhabbatning favqulodda qo‘nishi” (2019) da rol o‘ynagan. Avlodimizning eng ko‘p maosh oladigan aktyorlaridan biri bo‘lib, u kinoda rol o‘ynashda davom etmoqda, ularning oxirgisi “Xarbin” (2024) filmi edi.

Bir epizod uchun taxminiy ish haqi: 113 000 dollar