Hech kimga sir emaski, shou-biznes sanoati Janubiy Koreyani nafaqat turizm orqali oyoqqa turishiga, balki musiqa, kino, go‘zallik va boshqa sohalarga ham katta yordam berdi. Albatta, doramalar ham bundan mustasno emas.
“Parazitlar” va “Kalmar o‘yini”ning global yutuqlari
So‘nggi yillarda Koreya madaniyatining ommalashishiga, xususan, ikki filmning global muvaffaqiyati katta ta’sir ko‘rsatdi: “Oskar” mukofotiga sazovor bo‘lgan “Parazitlar” filmi va mashhur “Kalmar o‘yin” seriali. Hatto K-pop va koreys taomlariga qiziqmaydiganlar ham ushbu filmlarni tomosha qildi.
“Parazitlar” filmidagi Chikago shahridan bo‘lgan Jessika haqidagi she’r va “Kalmar o‘yini” serialidagi shaklli pechenyelar — dalgona tayyorlash usuli ijtimoiy tarmoqlarda tezda tarqaldi. Bu filmlar qozongan mukofotlar va o‘rnatgan rekordlar haqida esa gap-so‘z ham bo‘lishi mumkin emas.
“Kalmar o‘yini” bir oydan kamroq vaqt ichida 111 million marta tomosha qilingan va “Brijertonlar” filmini ortda qoldirgandi. Netflix hozirda deyarli har uchinchi doramaga homiylik qilayotgani ajablanarli emas.
Chet ellik tomoshabinlar Janubiy Koreyadagi ijtimoiy va siyosiy mavzudagi doramalarning yangi yo‘nalishini yuqori baholashmoqda
Taxminan 2010-yillarning ikkinchi yarmidan boshlab efirda ko‘proq og‘riqli muammolar haqidagi dolzarb filmlar paydo bo‘la boshladi. Ilgari xayoliy va fantastik hikoyalarga talab bo‘lgan bo‘lsa, bugungi kunda butun dunyo bo‘ylab tomoshabinlar qahramonlarning hayotiy qiyinchiliklariga ko‘proq e’tibor qaratishmoqda.
Doramalar sabab turli mamlakatlarda koreys taomlari va kosmetikasi ommalashdi
Atrofimizda koreys kosmetikasi va koreys taomlari ko‘payganini payqagandirsiz. Doramalar shu kabi mahsulotlar namoyishidan foydalanib tomoshabinlarni o‘ziga jalb qiladi. Xususan bosh qahramonlarning ko‘rkam qiyofasi e’tiborni tortadi va odamlarni aynan o‘sha aktyorlar kiygan brend kiyimlaridan tortib hatto lab bo‘yog‘igacha taqlid qilishga undaydi.
So‘ju, chimek, tokpokki, chikin, pibimpap, mandu, samgyopsal, kimpap, sunde, kimchi va yana ko‘plab boshqa taomlar so‘nggi yillarda turli mamlakatlarda aynan doramalardan so‘ng paydo bo‘ldi. Ramyonning xilma-xilligi haqida gapirishning hojati ham yo‘q.
Barcha dorama qahramonlari ovqatlanishni yaxshi ko‘rsalar-da, Koreyaning chet ellarda oshpazlik madaniyatining rivojlanishiga ayniqsa “Qirolicha Chorin” seriali sabab bo‘ldi.
Koreya ko‘pchilik borishni orzu qiladigan manzilga aylandi va sayyohlik yo‘nalishi ro‘yxatida birinchi o‘rinni egalladi
Shubhasiz, mamlakat mahalliy taomlarni tatib ko‘rish, mashhur koreys kosmetikasini xarid qilish va kosmetologlarga tashrif buyurish uchun kelgan sayyohlardan eng ko‘p naf ko‘radi. Umuman olganda, bu sayyohlar o‘z pullarini sarflashga, ko‘plab iliq sharhlar qoldirishga va boshqalarni ham bu yerga kelishga undashga maksimal darajada intilishadi.
Ko‘rib turganingizdek, doramalar kundalik hayotdan chalg‘itadigan shunchaki teleseriallar emas. Ular Koreya pop madaniyati va turizmini rivojlantirish, koreys qadriyatlarini dunyoga yoyish uchun ajoyib vositaga aylandi.
Izoh (0)