“Kalmar o‘yini” serialida bosh qahramon Son Ki Xun o‘yinlarda g‘olib chiqib, 45,6 milliard Janubiy Koreya voni yutib oladi. Bu taxminan 35-38 million AQSH dollari (kursga qarab)ga teng.
“Kalmar o‘yini”da sovrin jamg‘armasi qanday shakllanadi?
O‘yinlarda ishtirokchilar halok bo‘lgach, ularning har biri uchun 100 million von (taxminan 75 ming AQSH dollari) mukofot jamg‘armaga qo‘shiladi. O‘yinlar davom etarkan yakunidan tushadigan pul asta-sekin ko‘payib boradi.
Mukofot puli shiftga osilgan katta shaffof shar ichida yig‘iladi. Har safar uning to‘lib borishini ishtirokchilar yuqoriga qarab kuzatib turadi. Bu vizual obraz serialning asosiy g‘oyalaridan biri — odamlarning hayoti pulga almashtirilayotganini yaqqol ko‘rsatadi. Bu kuchli psixologik omil bo‘lib, uni ko‘rgan ishtirokchilar pul uchun o‘zaro raqobatga va hattoki bir-birini o‘ldirishga ham boradi. Film shu tarzda insoniylik va axloq me’yorlarining pul uchun osongina buzilishini ochib beradi.
Pul baxt keltirdimi?
Serial davomida Son Ki Xun yutgan pullaridan dastlab foydalana olmaydi. O‘yinlardan keyin kuchli ruhiy jarohat olgani sababli bir yil davomida pullariga deyarli tegmay yuradi. Keyinchalik u biroz pul ishlata boshlaydi, ammo baribir yutgan boyligi unga chinakam baxt olib kelmaydi. Bu esa serialning asosiy g‘oyalaridan biri — pul hamma narsani hal qilmaydi, degan fikrni ilgari suradi.
Izoh (0)