Italiya A Seriyasi 31-turidagi “Roma” — “Yuventus” uchrashuvi 6-aprel, yakshanba kuni o‘tkazildi. Unda jamoalar 1:1 hisobida durang o‘ynadi. Rimliklarning yagona goli Eldor Shomurodov tomonidan kiritildi.
Dastlab hisob 40-daqiqada Turin klubi tomonidan ochildi. Manuel Lokatelli Svilar darvozasiga gol urib, “Yuventus”ni hisobda oldinga olib chiqdi.
Ikkinchi taymning 49-daqiqasiga kelib, burchakdan uzatib berilgan to‘pni Eldor Shomurodov raqib darvozasiga kiritib qo‘ydi va tablodagi hisobni 1:1 ko‘rinishiga keltirib qo‘ydi.
O‘yinning qolgan daqiqalari ham qizg‘in kurashlar ostida o‘tdi, lekin darvozalarga boshqa gol kiritilmadi. Ushbu natijadan keyin “Yuventus” ockolari sonini 56 ballga yetkazib, turnir jadvalining 5-pog‘onasidan joy oldi. “Roma” 53 ball bilan 7-o‘rinni egallab turibdi.
Italiya A Seriyasi
31-tur
6-aprel, yakshanba
“Roma” — “Yuventus” 1:1
Gollar: 0:1 — Lokatelli (40), 1:1 — Shomurodov (49)
“Roma”: Svilar, Manchini, Hummels (Shomurodov (46), N’Dika, Chelik (Nelsson, 72), Kone, Kristante (Paredes, 61), Anxelinyo, Sule, El-Sharavi (Duat, 61), Dovbik (Baldanzi (85)
“Yuventus”: Gregorio, Kalulu, Veyga, Kelli, Vea (Kombyaso, 68), Lokatelli (Savona, 76), Tyuram, Makkenni, Gonsales (Kopmeyners (69), Yildiz, Vlahovich (Kolo-Muani, 68).
Izoh (0)