A Seriya. “Roma” o‘z maydonida raqibi ustidan ishonchli g‘alabaga erishdi, “Yuventus” Bergamoda ochko yo‘qotdi

Futbol bo‘yicha Italiya A Seriyasining 7-turidan o‘rin olgan o‘yinlar 1-oktabr, yakshanba kuni bo‘lib o‘tdi.

“Yuventus” safarda “Atalanta” mehmoni bo‘ldi. Uchrashuvda darvozalar ishg‘ol etilmadi va jamoalar durang natijaga imzo chekdi.

Turin klubi ushbu durangdan so‘ng, ochkolari sonini 14 taga yetkazib, 4-o‘rindan joy oldi.

“Roma” o‘z maydonida “Frozinone”ga qarshi bahs olib bordi. O‘yinning dastlabki daqiqalarida rimliklar ustunlik qildi va 21-daqiqada hisobni ochishga muvaffaq bo‘ldi. Belgiyalik hujumchi Romelu Lukaku raqib darvozasini ishg‘ol qildi. 

Ikkinchi bo‘limda ham xavfli vaziyatlar bo‘ldi. 83-daqiqaga kelib, darvoza tomon yo‘l topildi. Bu safar Paulo Dibalaning uzatmasini Lorenso Pellegrini golga aylantirdi. Qolgan daqiqalarda gol urilmadi va “Roma” g‘alabani rasmiylashtirdi.

Joze Mourinyo shogirdlari ochkolari sonini 8 taga yetkazib, 11-o‘ringa ko‘tarilib oldi.

A Seriya

7-tur bahslari

1-oktabr, yakshanba

“Atalanta” – “Yuventus” 0:0

“Atalanta”: Musso, Zappakosta (Holm, 82), Toloi, Jimshiti, Skalvini (Kolashinas, 65), Rujeri (Bakker, 86), de Ron, Kopmeyners, Ederson, de Ketelare (Pashalich, 82), Lukman (Muriel, 65).

“Yuventus”: Shensni, Danilo, Bremer (Rugani, 84), Gatti, Kambyazo (Kostich, 68), Makkenni (Vea, 84), Rabyo, Lokatelli, Fajoli (Miretti, 68), Kyeza, Kin (Yildiz, 75).

Ogohlantirishlar: Rabyo (45), Danilo (53), Holm (90).

“Roma” – “Frozinone” 2:0

Gollar: 1:0 – 21 Lukaku, 2:0 – 83 Pellegrini.

“Roma”: Ruy Patrisiu, Karsdorp (Kristensen, 70), Manchini, Ndika, Kristante, Spinassola, Paredes, Pellegrini (Auar, 85), Bove, Dibala, Lukaku.

“Frozinone”: Turati, Oyono, Romanoli (Breshianini, 19), Okoli, Monterizi, Markissa, Massitelli (Burabiya, 86), Barrenechea (Ibrahimovich, 86), Soule, Chuni (Sheddira, 62), Baes (Kazo, 62).

Ogohlantirishlar: Barrenechea (46), Karsdorp (64), Soule (81).