Dunyo va o‘zbek sportiga oid 22-dekabrning eng muhim xabarlari dayjesti bilan tanishing.
O‘zbekiston
O‘zbekiston milliy terma jamoasi FIFA reytingida yilni 84-o‘rinda yakunladiFIFA terma jamoalarning reytingini e’lon qildi. Bu reyting 2021-yildagi so‘ngisi bo‘ldi. O‘zbekiston milliy terma jamoasi yilni 84-o‘rinda yakunladi. OFK jamoalari ichida “oq bo‘rilar” 11-pog‘onani saqlab qoldi.
Umumiy reytingda hamon Belgiya yetakchilik qilmoqda.
Shomurodov Goal nashri talqiniga ko‘ra A Seriya ramziy terma jamoasiga kiritildi
Eldor Shomurodov Goal Italia talqiniga ko‘ra A Seriya 19-tur ramziy terma jamoasidan o‘rin oldi. O‘zbekistonlik futbolchi “Sampdoriya”ga qarshi o‘yinda (1:1) zaxiradan maydonga tushib, jamoasining yagona goliga muallif bo‘lgandi.
Darvozabon: Lukash Skorupski (“Bolonya”);
Himoyachilar: Denzel Dumfris (“Inter”), Mattias Bani (“Jenoa”), Franchesko Acherbi (“Latsio”), Aaron Hiki (“Bolonya”);
Yarim himoyachilar: Frank Kessie, Aleksis Salemakers (ikkisi “Milan”), Federiko Bernardeski (“Yuventus”), Rikkardo Orsolini (“Bolonya”);
Hujumchilar: Pedro (“Latsio”), Eldor Shomurodov (“Roma”).
Jahon
Angliya Liga Kubogi yarim finaliga qur’a tashlandi21–22-dekabr kunlari Angliya Liga Kubogining chorak finalidan o‘rin olgan uchrashuvlar bo‘lib o‘tdi va yarim final ishtirokchilari aniqlandi. Yarim finalga qadar uchta London klubi yetib keldi.
Yarim final juftliklari bilan tanishing:
- “Arsenal” — “Liverpul”
- “Chelsi” — “Tottenhem”
Braziliyaning chet eldagi eng yaxshi legioneriga topshiriladigan “Oltin samba” mukofotiga da’vogarlar ro‘yxati e’lon qilindi.
Undan 30 nafar futbolchi o‘rin oldi: Aleks Sandro (“Yuventus”), Lukas Moura (“Tottenhem”), Mateus Pereyra (“Al-Hilol”), Rafinya Dias (“Lids”), Artur Kabral (“Bazel”), Diyego Karlos (“Sevilya”), Fred (“Manchester Yunayted”), Risharlison (“Everton), Antoni (“Ayaks”), Tiago Silva (“Chelsi”), Lukas Verissimo (“Benfika”), Filippe Koutinyo (“Barselona”), Markinyos, Neymar (ikkisi “PSJ”), Mateus Kunya, Felipe (ikkisi “Atletiko”), Bruno Gimaraes, Lukas Paketa (ikkisi “Lion”), Malkom, Klaudinyo (ikkisi “Zenit”), Gabriel Jezus, Ederson, Fernandinyo (barchasi “Manchester Siti”), Roberto Firmino, Fabinyo, Alisson (barchasi “Liverpul”), Vinisius Junior, Rodrigo Goes, Kazemiro, Eder Militao (barchasi “Real”).
APLda Boxing day’dagi ikki o‘yin qoldirildi
Angliya Premyer Ligasi 19-turi doirasidagi ikki o‘yin koronavirus sabab qoldirildi. Bu haqda APL matbuot xizmati ma’lum qildi.
“Liverpul” — “Lids” va “Vulverhempton” — “Uotford” uchrashuvlari 26-dekabr kuni o‘tkazilmaydi. Bunga “Lids” va “Uotford” jamoalarida koronavirus o‘chog‘i aniqlangani sabab bo‘lgan.
Eslatib o‘tamiz, 18-tur doirasidagi 6 ta o‘yin xuddi shu sabab qoldirilgandi.
“PSJ” millionga yaqin Messining ismi tushirilgan futbolka sotdi
2021-yilda “PSJ” liboslari eng ko‘p xarid qilingan ekipirovkaga aylangan. Messining transferidan keyin liboslar savdosi 30–40 foizga oshgan.
Talab yuqori bo‘lgani bois parijliklar uni qondirishga ulgurmayapti. Bu haqda “PSJ”ning homiylik kelishuvlari bo‘yicha direktori Mark Armstron ma’lum qildi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!