51 yoshli portugaliyalik Paulo Fonseka 2024-yilning iyunida Fransiyaning “Lill” klubidan “Milan” boshqaruviga kelgandi.
Fonseka Italiya A seriyasining 18-turidan o‘rin olgan “Roma”ga qarshi o‘yindan so‘ng (1:1) o‘z lavozimidan ozod etildi. Uchrashuvning 43-daqiqasida milanliklar ustozi hakam bilan bahslashgani uchun maydondan chetlatildi. Portugaliyalik mutaxassis o‘yindan keyin OAVga klub rahbariyatidan iste’foga chiqarishlarini so‘raganini ma’lum qilgandi.
Italiya chempionatining 18-turidan so‘ng “Milan” 17 uchrashuvda 7 ta g‘alabaga erishib, turnir jadvalida sakkizinchi o‘rinda bormoqda. Jamoa hisobida 27 ochko bor. Jamoa peshqadam “Atalanta” va “Napoli”dan 14 ochkoga ortda qolmoqda. Jamoa raqiblaridan bir o‘yin kam o‘tgazganini ta’kidlash joiz.
Chempionlar ligasida “Milan” umumiy jadvalda 12-o‘rinni egallab turibdi, jamoada 1/8 finalga to‘g‘ridan to‘g‘ri yo‘llanma olish uchun yaxshi imkoniyat bor, chunki sakkizinchi o‘rindagi jamoa bilan farq atigi bir ochkoni tashkil etadi.
Men “Milan”da ishlaganimdan faxrlanaman va bu buyuk klub tarixi va an’analarini hurmat qilish uchun doimo qalbimni berganman. Xodimlarga, futbolchilarga, muxlislarga va meni qo‘llab-quvvatlagan barchaga minnatdorchilik bildiraman, deb yozgan Fonseka ijtimoiy tarmoqdagi sahifasida.
Jurnalist Nikolo Skiraning xabar berishicha, Paulo Fonseka shartnomani muddatidan oldin bekor qilgani uchun “Milan”dan taxminan 1,8 million yevro oladi. Mehnat shartnomasidagi maxsus band evaziga “rossonerilar” anchagina mablag‘ni tejab qolishgani aytilmoqda.
“Milan” Fonseka o‘rniga boshqa portugaliyalik — Serxiu Konseysaoni bosh murabbiy etib tayinlandi. 50 yoshli mutaxassisning so‘nggi ish joyi “Portu” hisoblanadi. 2017 yildan buyon to o‘tgan mavsum oxirigacha ushbu jamoani boshqargan Konseysau uch marta Portugaliya chempioni bo‘ldi, to‘rt marta kubok va yana uch marta mamlakat Superkubogini qo‘lga kiritdi.
Konseysao bilan shartnoma 2026-yilning 30-iyuniga qadar imzolangan.“Milan” keyingi o‘yinni 2025-yilning 3-yanvarida “Yuventus”ga qarshi o‘tkazadi. G‘olib Italiya Superkubogi sohibi bo‘ladi.
Izoh (0)