Futbol bo‘yicha Italiya chempionati 28-turi doirasidagi “Empoli” — “Roma” bahsi bo‘lib o‘tdi. O‘yinning 1-daqiqasida Matias Sule tomonidan kiritilgan gol rimliklarga 3 ochko taqdim etdi.
Sofascore talqini bo‘yicha uchrashuvning eng yaxshi futbolchisi sifatida gol muallifi Matias Sule qayd etildi — 8.1.
Bahsni asosiy tarkibda boshlagan Eldor Shomurodov 72 daqiqa o‘ynadi. Uning maydondagi harakatlari Sofascore tomonidan 6.5 ball bilan baholandi. Bu vaqt davomida Shomurodov 46 marta to‘pga tegindi. 33 marta sheriklariga pas uzatib, undan 29 martasi aniq manzilga yetib bordi — 88 foiz. Futbolchi 3 marta kalit uzatma amalga oshirdi. U maydonda 4 marta to‘p uchun kurash olib borgan, lekin hech qaysida g‘alaba qozonmadi. Eldor havodagi 3 ta kurashning 2 martasida yutib chiqdi.
Yagona golga hammualliflik qilgan Anas Salah “Roma” safida eng yomon baholangan futbolchi bo‘ldi — 6.4.
“Empoli” safida eng yaxshi futbolchi darvozabon Marko Silvestri bo‘ldi. U 90 daqiqa davomida darvozasidan 1 gol olib chiqqan bo‘lsa-da, 5 ta seyv amalga oshirdi va Sofascore tomonidan 7.3 ballga loyiq ko‘rildi. Mezbonlar safidagi eng yomon harakat qilgan futbolchi esa Lorenzo Kolombo bo‘ldi. 45 daqiqa o‘ynagan futbolchi 5.8 ball bilan baholandi.
Ma’lumot uchun, ushbu g‘alabadan keyin Rim klubi hisobidagi ochkolar soni 46 ta bo‘ldi va turnir jadvalida 7-o‘rinni egallab turibdi.
Izoh (0)