Futbol bo‘yicha Yevropa Ligasi 1/8 final bosqichi javob bahsi doirasidagi “Atletik” — “Roma” uchrashuvi 13-mart, payshanba kuni bo‘lib o‘tdi. Qiziqarli o‘tgan o‘yinda Rim klubi 1:3 hisobida imkoniyatni boy berdi va musobaqa bilan xayrlashdi.
Uchrashuvdagi gollarga mezbonlar safidan Niko Uilyams (dubl) va Yuri Berchiche mualliflik qilgan bo‘lsa, “Roma”ning yagona to‘pini Leandro Paredes penaltidan kiritdi.
Sofascore portali uchrashuvning eng yaxshi futbolchisi sifatida jamoasiga g‘alaba taqdim etgan 2 ta gol muallifi Niko Uilyamsni topdi — 9,2 ball.
Zaxiradan maydonga tushgan Eldor Shomurodov esa 6,7 ballga loyiq ko‘rildi. O‘zbekistonlik futbolchi maydonda 29 daqiqa harakat qilgan bo‘lib, 9 marta to‘pga tegindi va bir marta darvozaga aniq zarba yo‘lladi. U 5 marta sheriklariga to‘pni yetkazib bergan bo‘lsa, ulardan 2 tasi aniq manzilga yetib bordi — 40 foiz. Shomurodov 1 marta havoda to‘p uchun kurash olib bordi va g‘olib bo‘ldi.
“Roma” safida eng yaxshi harakat qilgan futbolchi Paredes bo‘ldi — 7,7 ball. Ikkinchi o‘rinda esa Mile Sivilar qayd etildi. Darvozabon o‘yin davomida 5 ta seyv amalga oshirdi va Sofascore tomonidan 7,0 ballga loyiq ko‘rildi. Rimliklar safida eng yomon ko‘rsatkich qayd etgan futbolchi — Mats Hummels. 11-daqiqada qizil kartochka olgan himoyachining harakatlari 3,0 ball bilan baholandi.
“Atletik” safida eng yaxshisi deya Niko Uilyams topilgan bo‘lsa (9,2 ball), Mikel Xauregisar eng yomon harakat qilgan futbolchi sifatida qayd etildi — 6,5 ball.
Izoh (0)