Yevropa Ligasi 1/8 final doirasidan o‘rin olgan “Atletik Bilbao” va “Roma” o‘rtasidagi bahs 13-mart, payshanba kuni bo‘lib o‘tdi. Uchrashuvda maydon egalari 3:1 hisobida g‘alaba qozondi. Shu tariqa, ikki o‘yin natijasiga ko‘ra (4:3), basklar chorak final yo‘llanmasini qo‘lga kiritdi.
Jangovar ruhda boshlangan o‘yinda “Roma” futbolchilari dastlab ishonchli harakat qilayotgan edi. Biroq 11-daqiqada himoyachi Mats Hummels qizil kartochka olib, mehmonlarni og‘ir ahvolga tushirib qo‘ydi. Ushbu holat “Atletik”ga hujumda ustunlik berib, raqibga bosimni oshirish imkoniyatini yaratdi.
Uchrashuvni zaxiradan boshlagan Eldor Shomurodov 61-daqiqada Paulo Dibalaning o‘rniga maydonga tushdi. O‘zbekistonlik hujumchi faol harakat qilgan bo‘lsa-da, Rim klubi o‘ziga kerakli natijaga erisha olmadi.
Natijada “Atletik” umumiy hisobda 4:3 bilan g‘alaba qozonib, Yevropa Ligasining chorak finaliga yo‘l oldi. “Roma” esa ushbu turnir bilan xayrlashishga majbur bo‘ldi.
Yevropa Ligasi
1/8 final javob uchrashuvi
13-mart, chorshanba
“Atletik” — “Roma” 3:1 (umumiy hisob 4:3)
Gollar: 1:0 — Niko Uilyams (45+3), 2:0 — Yuri Berchiche (68), 3:0 — Niko Uilyams (82), 3:1 — Leandro Paredes (penalti) (90+3).
“Atletik”: Xulen Agirresabala, Yuri Berchiche, Oskar De Markos, Aytor Paredes (Inigo Lekue 69), Unai Nunes, Mikel Xauregisar, Inigo Ruis de Galarreta, Unai Gomes (Aleks Berenger 46), Niko Uilyams, Inyaki Uilyams, Maroan Sannadi (Gorka Guruseta 77)
“Roma”: Mile Svilar, Evan Ndika, Mats Xummels, Djanluka Manchini, Tommazo Baldansi (Nikkolo Pizilli 61), Paulo Dibala (Eldor Shomurodov 61), Anxelino, Devayn Rensh (Aleksis Salemakers 84), Leandro Paredes, Brayan Kristante, Artyom Dovbik (Matias Soule 53)
Chetlatish: Mats Hummels 11
Izoh (0)