Yevropaning qator ligalarida 31-yanvar kuni qishki transfer oynasi yopildi. Quyida dedlayn kuni yuz bergan asosiy transferlar taqdim etilgan.
- “Manchester Yunayted” Marsel Zabitserni “Bavariya”dan ijaraga oldi. Kelishuvda futbolchini sotib olish huquqi haqidagi band yo‘q.
- “Tottenhem” “Portu” vakili Pedro Porroni 45 million yevroga sotib olish majburiyati bilan ijaraga oldi. Ijara limitini buzmaslik uchun “shporlar” Mett Doerti bilan shartnomani bekor qildi. Irlandiyalik futbolchi “Atletiko” safida yo‘l oldi va “matraschilar” bilan joriy mavsum yakuniga qadar mo‘ljallangan bitim imzoladi.
- 2018-yildan buyon “Chelsi” sharafini himoya qilib kelgan Jorjinyo “Arsenal” safiga o‘tdi. Italiyalik futbolchi “kanonirlar” bilan 2024-yilga qadar mo‘ljallangan shartnoma imzoladi. Shuningdek, bitimda uni bir yilga uzaytirish huquqi ham bor. 31 yoshli yarim himoyachi “Arsenal”da 20-raqam ostida to‘p suradi.
- Haris Seferovich “Galatasaroy”dan “Selta”ga o‘tdi. Ispan klubi futbolchini ijaraga oldi.
- “Borussiya D” sharafini himoya qilgan belgiyalik Torgan Azar faoliyatini “PSV”da davom ettiradi.
- Trevo Chaloba “Fulhem”dan “Vest Bromvich” safiga o‘tdi.
- “Betis” “Lester” futbolchisi Ayose Peresni ijaraga olganini e’lon qildi.
- “Lids” futbolchisi Diyego Lyorente “Roma”ga ijara asosida o‘tdi. Ispaniyalik futbolchi Eldor Shomurodov to‘p surgan 14-raqamni qabul qilib oldi.
- “Bavariya” “Manchester Siti” himoyachisi Joau Kanseluni ijaraga olganini e’lon qildi. Myunxenliklarda futbolchini 70 million yevro evaziga sotib olishi huquqi ham bor. Joau nemis klubida 22-raqam ostida harakat qiladi.
- “Tottenhem” vakili Brayan Xil “Sevilya”ga qaytdi. Ispan klubi 21 yoshli futbolchini mavsum oxirigacha ijaraga oldi. Xil andalusiyaliklar akademiyasi 12 yil davomida harakat qilgan. 2021-yilda “Sevilya” futbolchini Erik Lamela va 25 million yevro evaziga “shporlar” safiga qo‘yib yuborgandi.
- “Yuventus” yarim himoyachisi Ueston Makkenni “Lids” safiga o‘tdi. APL klubi amerikalik futbolchini sotib olish huquqi bilan mavsum oxirigacha ijaraga oldi. 24 yoshli futbolchi yangi jamoasi 28-raqam ostida harakat qiladi.
- “Arsenal”ning 19 yoshli hujumchisi Markinyos Oliveyra ijara asosida “Norvich”ga yo‘l oldi. Braziliyalik futbolchi mavsum oxirigacha “Norvich” libosini himoya qiladi.
- “Selta” futbolchisi Denis Suares ijara asosida “Espanyol” safiga o‘tdi. Ispaniyalik yarim himoyachi mavsum oxiriga qadar kataloniyaliklar sharafini himoya qiladi.
- “Nyukasl” “Vest Hem”ning 21 yoshli futbolchisi Harrison Eshbi bilan uzoq yillik shartnoma imzoladi. Futbolchining transfer narxi ochiqlanmagan.
- Fransiyalik futbolchi Florian Toven “Tigres” safidan “Udineze”ga o‘tdi. Futbolchi A Seriya klubi bilan 2025-yil 30-iyunga qadar mo‘ljallangan shartnoma imzoladi.
- “Chelsi”ning 19 yoshli futbolchisi Juda Sunsap-Bel “Tottenhem” bilan 2025-yilgacha bitim tuzdi. Juda “shporlar”ning yoshlar jamoasida to‘p suradi.
Izoh (0)