Ramazon oyi va muborak Ramazon hayiti munosabati bilan prezident Shavkat Mirziyoyev nomiga xorijiy davlatlar va hukumatlar, nufuzli xalqaro va mintaqaviy tashkilotlar rahbarlari, taniqli din va jamoat arboblaridan qutlovlar kelmoqda. Bu haqda Prezident matbuot xizmati xabar berdi.
Xorijiy hamkorlar O‘zbekiston va uning ko‘p millatli xalqiga tinchlik, farovonlik va ravnaq tilab, mamlakat bilan do‘stlik munosabatlarini yanada mustahkamlash va o‘zaro manfaatli hamkorlikni kengaytirishga intilishini tasdiqlamoqda. Quyidagilar o‘z tabriklarini yo‘llagan:
- Saudiya Arabistoni podshohi Salmon bin Abdulaziz Ol Saud;
- Saudiya Arabistoni valiahdi, Vazirlar Mahkamasi raisi Muhammad bin Salmon bin Abdulaziz Ol Saud;
- Turkiya Respublikasi prezidenti Rajab Toyyib Erdo‘g‘on;
- Qozog‘iston Respublikasi prezidenti Qosim-Jo‘mart To‘qayev;
- Qirg‘iz Respublikasi prezidenti Sadir Japarov;
- Tojikiston Respublikasi prezidenti Emomali Rahmon;
- Turkmaniston prezidenti Serdar Berdimuhamedov;
- Turkman xalqining milliy yetakchisi, Turkmaniston Xalq Maslahati raisi Gurbanguli Berdimuhamedov;
- Ozarbayjon Respublikasi prezidenti Ilhom Aliyev;
- Birlashgan Arab Amirliklari prezidenti Shayx Muhammad bin Zoid Ol Nahayon;
- Birlashgan Arab Amirliklari vitse-prezidenti, bosh vaziri, Dubay amirligi hokimi Shayx Muhammad bin Roshid Ol Maktum;
- Birlashgan Arab Amirliklari vitse-prezidenti Shayx Mansur bin Zoid Ol Nahayon;
- Birlashgan Arab Amirliklari bosh vaziri o‘rinbosari Shayx Sayf bin Zoid Ol Nahayon;
- Misr Arab Respublikasi prezidenti Abdulfattoh as-Sisi;
- Eron Islom Respublikasi prezidenti Mas’ud Pezeshkiyon;
- Pokiston Islom Respublikasi bosh vaziri Shahboz Sharif;
- Qatar davlati amiri Shayx Tamim bin Hamad Ol Soniy;
- Qatar davlati amirining o‘rinbosari Shayx Abdulloh bin Hamad Ol Soniy;
- Kuvayt davlati amiri Shayx Mish’al al-Ahmad al-Jobir as-Saboh;
- Kuvayt davlati valiahdi Shayx Saboh Xolid al-Ahmad as-Saboh;
- Iordaniya Hoshimiylar Podshohligi podshohi Abdulla II;
- Ummon sultoni Haysam bin Toriq Ol Said;
- Bahrayn podshohi Shayx Hamad bin Iso Al Xalifa;
- Marokash qiroli Muhammad VI;
- Jazoyir Xalq Demokratik Respublikasi prezidenti Abdulmajid Tabbun;
- Tunis Respublikasi prezidenti Qays Said;
- Falastin davlati prezidenti Mahmud Abbos;
- Liviya davlati prezident kengashi rahbari Muhammad Yunus Al-Manfi;
- Somali Federativ Respublikasi prezidenti Hasan Shayx Muhammad;
- Isroil davlati prezidenti Isxak Gertsog;
- Islom hamkorlik tashkiloti bosh kotibi Husayn Ibrohim Toha;
- Ko‘rfaz arab davlatlari hamkorlik kengashi bosh kotibi Jasim Muhammad Al-Budayviy;
- Turkiy davlatlar tashkiloti bosh kotibi Kubanichbek Omuraliyev;
- Turkiy davlatlar tashkiloti Oqsoqollar kengashi raisi Binali Yildirim;
- Xavfsizlik va hamkorlik tashkiloti bosh kotibi Faridun Sinirli o‘g‘li;
- Islom taraqqiyot banki raisi Muhammad Sulaymon Al-Jasir;
- “Al-Azhar” majmuasi shayxi Ahmad Tayyib;
- Kavkaz musulmonlari idorasi raisi Shayxulislom Ollohshukur Poshshozoda.
Tabriklar kelishda davom etmoqda.
Izoh (0)