Ramazon hayiti munosabati bilan Toshkentdan Xiva va Samarqandga qo‘shimcha poyezd qatnovlari yo‘lga qo‘yildi. Bu haqda “O‘ztemiryo‘lyo‘lovchi” AJ matbuot xizmati xabar berdi.
Toshkent—Xiva—Toshkent yo‘nalishida qo‘shimcha 2 reysga qatnovlar quyidagi jadval asosida harakatlanadi.
20, 22-aprel kunlari 156-sonli Toshkent—Xiva yo‘nalishi:
Toshkent 15:39 — Xiva 6:58
21, 23-aprel kunlari 155-sonli Xiva—Toshkent yo‘nalishi:
Xiva 8:28 — Toshkent 00:30
Shuningdek, 21-aprel kunidan 24-aprel kunigacha 767/768-sonli Samarqand—Toshkent—Samarqand “Afrosiyob” elektropoyezdi yo‘nalishida qo‘shimcha 4 ta reys harakati yo‘lga qo‘yiladi.
Ushbu yo‘lovchi poyezddagi barcha chiptalar erkin savdoga chiqarilgan. Poyezd quyidagi jadval asosida harakatlanadi:
767-sonli Samarqand—Toshkent yo‘nalishi:
Samarqand 11:09 — Toshkent 13:19
768-sonli Toshkent—Samarqand yo‘nalishi:
Toshkent 13:40 — Samarqand 15:48
Qo‘shimcha maʼlumotni Toshkent shahridagi 1005 qisqa telefon raqami, joylardagi temiryo‘l chiptaxonalari hamda maʼlumotlar byurosidan bilib olish mumkin.
O‘zbekiston musulmonlari idorasi mamlakatda Ramazon hayiti 21-aprel, juma kuniga to‘g‘ri kelishi haqida qaror qabul qildi. Toshkent shahri masjidlarida Ramazon hayiti namozi o‘qilishi munosabati bilan maxsus avtobus yo‘nalishlari tashkil etilmoqda, shuningdek, Ramazon hayiti kunlarida Toshkent metropoliteni ish jadvali o‘zgaradi.
Ramazon hayiti munosabati bilan dam olish kunlari
O‘zbekiston prezidenti Shavkat Mirziyoyev Ramazon hayitini nishonlash to‘g‘risidagi qarorni imzoladi. Aholining Ramazon hayiti bayramini munosib kutib olishi va yuksak saviyada o‘tkazishi uchun qulay shart-sharoit yaratish maqsadida 24-aprel (dushanba) kuni ish haftasining turidan qatʼiy nazar barcha xodimlar uchun qo‘shimcha dam olish kuni sifatida belgilandi. Shu tariqa:
- 21-aprel, juma — Hayit bayrami;
- 22-aprel, shanba — 6 kunlik ish haftasidagi xodimlar uchun qo‘shimcha dam olish kuni;
- 23-aprel, yakshanba — odatdagi dam olish kuni;
- 24-aprel, dushanba — barcha uchun dam olish kuni bo‘ladi (ya’ni ushbu kun hisobidan haftasiga 5 kun ishlovchi xodimlar boshqa kuni ishlab berishi shart bo’lmaydi, ular uchun 29-aprel, shanba kuni ham dam olish kuni bo’ladi).
Izoh (0)