Shavkat Mirziyoyev O‘zbekistonning birinchi prezidenti Islom Karimov maqbarasini ziyorat qildi. Bu haqda Prezident matbuot xizmati xabar berdi.
Shavkat Mirziyoyev Samarqand shahriga tashrifi yakunida Hazrati Hizr majmuasida bo‘lib, birinchi prezident Islom Karimov maqbarasini ziyorat qildi. Qur’on oyatlari tilovat etilib, duo o‘qildi.
“Marhumlarning yaxshiliklarini eslash, qabristonlarni obodonlashtirish xalqimizning ezgu qadriyatlaridan. Ushbu maqbara ham prezidentimiz boshchiligida qurdirilgan, aziz ziyoratgohga aylantirilgan. Muborak ramazon oyida bunday ezgu amallar barcha joylarda yorqin namoyon bo‘lmoqda”, deyiladi xabarda.
Shavkat Mirziyoyev Samarqandga tashrifini Imom Buxoriy maqbarasini ziyorat qilishdan boshladi. Shundan so'ng “Buyuk ipak yo‘li” xalqaro turizm markaziga tashrif buyurib, olib borilayotgan bunyodkorlik ishlari, yaratilayotgan sharoitlar bilan tanishdi.
Izoh (0)