Prezidentning Jizzax viloyatiga tashrifi, Ramazon hayiti eʼlon qilinishi, Toshkent metrosi uchun olib kelingan ikkita yangi poyezd — “Daryo” nashri bugun, 8-aprelda eʼlon qilingan O‘zbekistonning ijtimoiy-siyosiy hayotiga oid eʼtiborga molik xabarlarni bir joyga to‘pladi.
“Bunday xabarlar manfaatdor insonlar tomonidan sizdiriladi”. O‘zbekistonda shakar narxi oshishi rad etildi
Rossiya tomonidan shakar eksportini cheklash O‘zbekistonning ichki bozorida tanqislikni keltirib chiqarmaydi.
Toshkent metrosi uchun yana ikkita yangi poyezd olib kelindi
Ular 8-10 kun texnik sinovdan o‘tkazilgach, yo‘nalishlarga chiqariladi.
O‘zbekistonning oltin-valyuta zaxiralari salkam 2 mlrd dollarga oshdi
1-mart holatiga ko‘ra, mamlakat oltin-valyuta zaxiralari hajmi 34,19 mlrd dollarni tashkil etdi.
Andijondagi tibbiyot birlashmasining UTT xonasiga o‘rnatilgan kuzatuv kamerasi bo‘yicha izoh berildi (video)
Viloyat sog‘liqni saqlash boshqarmasi bu holatga yo‘l qo‘ygan mas’ullarga nisbatan qanday jazo qo‘llanilganini ma’lum qilmagan.
O‘zbekistonda Hayit bayrami kunlari qanday ob-havo bo‘lishi ma’lum qilindi
Hafta davomida beqaror ob-havo bo‘lishi kutilmoqda.
Namanganda 40 kun davomida xalqaro gullar festivali bo‘lib o‘tadi
Festival doirasida turli ko‘ngilochar tadbirlar, ko‘rik-tanlovlar ham o‘tkaziladi.
O‘zbekistonga 2017—2023-yillarda olib kirilgan kapital miqdori ma’lum bo‘ldi
Shu yillar davomida O‘zbekistonga 1 kvadrillion 460 trillion so‘mdan ortiq kapital olib kirilgan.
O‘zbekistonda Ramazon hayiti 10-aprel kuni nishonlanadi
Musulmonlar idorasi Ulamolar Kengashi fiqhiy qoidalar, falakiy hisob-kitoblar va astronomik kuzatishlarga tayanib, shunday qarorga keldi.
Hayit bayrami kunlari Toshkent metrosining ish vaqti ma’lum qilindi
Bayram kuni metropoliten o‘z faoliyatini odatdagidan 1 soat oldin boshlaydi.
“Fuqarolarning hayoti va sog‘lig‘iga real xavf tug‘dirmoqda” — Senat 300 ta avtobus texnik sinovdan o‘tkazilmasdan yo‘lovchilarga xizmat qilayotganini ma’lum qildi
Avtobuslarda inson salomatligi va hayoti bilan bog‘liq baxtsiz hodisalarning oldini olish, gaz ballonlarini texnik sinovdan o‘tkazish yuzasidan Senat so‘rovi yuborilgan.
O‘zbekistonliklar Ramazon hayiti munosabati bilan ketma-ket 3 kun dam oladi
Xususan, 11-aprel — barcha uchun qo‘shimcha dam olish kuni bo‘ladi.
Toshkentda diniy ekstremizm va terrorizmga qarshi tezkor tadbirlar o‘tkazilmoqda — poytaxt IIBB
Kuni kecha fuqarolarning xonadonlarida 45 ta tintuv tergov harakatlari o‘tkazilgan.
Shavkat Mirziyoyev Forishdagi bazaltga ishlov beradigan korxonani borib ko‘rdi (video)
Prezident Jizzax viloyatiga tashrifni ushbu korxonani ko‘zdan kechirishdan boshladi.
Jizzaxda qurilayotgan uylarni imtiyozli kreditga olish mumkin bo‘ladi
Sharof Rashidov tumanida qurilayotgan “Yangi O‘zbekiston” massivini borib ko‘rgan prezident tegishli ko‘rsatmalar berdi.
Shavkat Mirziyoyev Sharof Rashidov tumanidagi oila xonadonida bo‘ldi (foto, video)
“Shu oddiy xonadon misolida ko‘ryapmizki, oilaning o‘zida harakat bo‘lsa, yaxshi daromad topsa bo‘ladi”, — deydi prezident.
Enter Engineering ishchilar to‘poloniga munosabatida fevral uchun ham maosh to‘langanini bildirdi. Xodimlar esa bu yolg‘onligini aytmoqda
“Bu yolg‘on, shunchaki vaziyatdan chiqish uchun aytilayotgan ma’lumot. Bizda 2023-yilning noyabr oyi uchun ham maosh olmaganlar bor. 2024-yilning yanvar, fevralini gapirmasak ham bo‘ladi”, — deydi bu haqda tahririyatga gapirgan suhbatdosh.
O‘zbekistonda “Tashabbusli byudjet”da eng ko‘p ovoz yig‘gan hudud ma’lum bo‘ldi
Jami 2,5 mingdan ziyod loyiha g‘olib deb topilgan.
Shavkat Mirziyoyev Jizzaxdagi avtomobil zavodi faoliyati bilan tanishdi (foto)
O‘zbekiston avtomobil bozorining 17 foizini shu zavodda ishlab chiqarilgan mashinalar tashkil qiladi.
Toshkentda hayit kuni avtobuslar ham bir soat oldin ish boshlaydi
Dam olish kunlari ish yakshanba kunlari uchun tasdiqlangan jadvallar asosida tashkil etiladi.
Zarardan “boshi” chiqmayotgan bozor. Toshkentdagi “Oloy” dehqon bozori” topgan foydasini o‘tgan yillardagi zararlarni qoplashga sarflayaptimi?
Bozor oxirgi 7 yilda ko‘rgan foydalarini avvalgi davrlardagi zararlarini qoplashga yo‘naltirgan.
Jizzaxda 6,1 mlrd dollarlik loyihalar amalga oshiriladi
Shavkat Mirziyoyevga Jizzax viloyatida amalga oshirilishi rejalashtirilgan investitsiya loyihalari taqdimot qilindi.
Jazo muddatini o‘tayotgan hamda qilmishiga chin ko‘ngildan pushaymon bo‘lgan 426 nafar shaxs afv etildi
Afv etilgan shaxslarning 135 nafari asosiy jazodan to‘liq ozod etildi, 200 nafari jazoni o‘tashdan muddatidan ilgari shartli ozod qilindi.
Prezident Jizzaxdagi sanoat va energetika sohalaridagi yangi loyihalar qurilishini boshlab berdi
Yaqin yillarda Sharof Rashidov, Forish va G‘allaorol tumanlarida yana 1 660 megavattli issiqlik, shamol va quyosh elektr stansiyalari ham quriladi.
O‘zbekistonda Ramazon hayiti namozini o‘qish vaqtlari maʼlum qilindi
Toshkent shahrida hayit namozi soat 06:10 da o‘qiladi.
O‘zbekistonning oltita hududida qor ko‘chish xavfi eʼlon qilindi
Bunga 9-15-aprel kunlari kutilayotgan yog‘ingarchilik hamda havo haroratining o‘zgarishlari sabab bo‘ladi.
Prezident “BMB Holding” kompaniyasining Jizzaxdagi agrologistika majmuasini borib ko‘rdi
Davlat rahbari korxonadagi ish jarayonini va eksportga tayyor mahsulotlarni ko‘zdan kechirdi.
Prezident: “Eng muhim yutuq — yoshlarimizning harakati, niyati, o‘ziga ishonchi”
Shavkat Mirziyoyev Jizzax shahrida barpo etilgan Kibersport arenasida yoshlar bilan uchrashdi.
Izoh (0)