Ramazon hayiti munosabati bilan Shavkat Mirziyoyev nomiga nomiga jahonning turli mamlakatlari davlat va hukumatlari, nufuzli xalqaro va mintaqaviy tashkilotlar rahbarlari, taniqli siyosat va jamoat arboblari, ulamolardan qutlovlar kelmoqda.
Prezident matbuot xizmatining xabar berishicha, tabriknomalarda O‘zbekiston yetakchisi va ko‘p millatli xalqiga chuqur hurmat-ehtirom izhor qilingan. Ushbu qutlug‘ va fayzli kunlarda xorijiy yetakchi va hamkorlar bizga tinchlik, baxt-saodat, farovonlik va ravnaq tilab, do‘stlik va ko‘p qirrali hamkorlik munosabatlarini yanada rivojlantirishga qat’iy intilish bildirgan.
Quyidagilar o‘z tabriklarini yo‘llagan:
- Saudiya Arabistoni podshohi Salmon ibn Abdulaziz Ol Saud,
- Turkiya prezidenti Rajab Toyyib Erdo‘g‘on,
- Eron prezidenti Ibrohim Raisiy,
- Misr prezidenti Abdulfattoh as-Sisi,
- Qozog‘iston prezidenti Qasim-Jomart Toqayev,
- Qirg‘iziston prezidenti Sadir Japarov,
- Tojikiston prezidenti Emomali Rahmon,
- Turkmaniston prezidenti Serdar Berdimuhamedov,
- Turkmaniston Milliy Kengashi Xalq maslahati raisi Gurbanguli Berdimuhamedov,
- Ozarbayjon prezidenti Ilhom Aliyev,
- BAA prezidenti Xalifa bin Zoid Ol Nahayon,
- Quvayt amiri Navaf al-Ahmad al-Jobir as-Saboh,
- O‘mon Sultoni Haysam bin Toriq Al Said,
- Bahrayn podshohi Hamad bin Iso Al Xalifa,
- Iordaniya podshohi Abdulla II,
- Indoneziya prezidenti Joko Vidodo,
- Filippin prezidenti Rodrigo Duterte,
- Singapur prezidenti Halima Yoqub,
- Suriya prezidenti Bashar Asad,
- Falastin prezidenti Mahmud Abbos,
- Saudiya Arabistoni podshohligi valiahdi Muhammad ibn Salmon ibn Abdulaziz Ol Saud,
- Birlashgan Arab Amirliklari Qurolli kuchlari Oliy bosh qo‘mondoni o‘rinbosari, Abu-Dabi Amirligi valiahdi Muhammad bin Zoid Ol Nahayon,
- BAA vitse-prezidenti, bosh vaziri, Dubay amirligi hokimi Muhammad bin Roshid Ol Maktum,
- Quvayt valiahdi Mishaal al-Ahmad al-Jobir as-Saboh,
- Singapur bosh vaziri Li Syan Lun,
- BAA bosh vaziri o‘rinbosari Shayx Sayf bin Zoid Ol Nahayon,
- Turkiy tilli davlatlar tashkiloti bosh kotibi Bag‘dod Amreyev,
- Iqtisodiy hamkorlik tashkiloti bosh kotibi Husrav Noziriy,
- Misr bosh imomi, Al-Azhar majmuasi rahbari Shayx Ahmad Muhammad at-Tayyib,
- Kavkaz musulmonlari idorasi raisi Shayxulislom Ollohshukur Poshshozoda.
Eslatib o‘tamiz, 2022-yilgi Ramazon hayiti 2-may — dushanba kuni nishonlandi. Hayit arafasida prezident 65 nafar fuqaroni afv etdi.
Izoh (0)