Germaniya va Fransiya ortidan Avstriya ham bitim imzolashga tayyor, deb xabar bermoqda Migratsiya agentligi.
Unda aytilishicha, Vazirlar Mahkamasi huzuridagi Migratsiya agentligi, Tashqi ishlar hamda Ichki ishlar vazirliklari mas’ullaridan iborat delegatsiya Avstriyaning qator rasmiy idoralari bilan uchrashuvlar o‘tkazmoqda.
Xususan, Avstriya Tashqi ishlar, Ichki ishlar, Mehnat va iqtisodiyot, Ta’lim, fan va tadqiqotlar Federal vazirliklari hamda Avstriya Biznes agentligi mutasaddilari bilan bo‘lib o‘tgan uchrashuvlarda mehnat migratsiyasi sohasida hamkorlikni rivojlantirish masalalari muhokama qilindi.
O‘zbekiston fuqarolarini tashkiliy tartibda Avstriyaga yuqori maoshli ishlarga joylashtirish, migratsiya sohasida qo‘shma loyihalarni yaratish, shuningdek, O‘zbekiston hukumati va Avstriya hukumati o‘rtasida migratsiya sohasida Hukumatlararo bitim loyihasini ishlab chiqishga kelishib olindi.
Federal savdo-sanoat palatasi direktori o‘rinbosari bilan bo‘lib o‘tgan muloqotda O‘zbekistondan mutaxassislarni Avstriya korxonalariga jalb qilish imkoniyatlariga e’tibor qaratildi.
Ushbu palata joriy yilning aprel oyida O‘zbekistonda vakolatxona ochadigan bo‘ldi. Ochilish marosimiga Avstriyadan yirik ish beruvchilarni taklif qilgan holda “Mehnat forumi”ni ham Toshkentda tashkil qilishga kelishib olindi.
O‘zbekistonlik hamshiralar AQSHga ishlash uchun yuboriladi
Bu haqda Migratsiya agentligi direktor o‘rinbosari Azimjon Husanov va New Future Succyess Academy xalqaro hamshiralarni tayyorlash o‘quv markazining O‘zbekistondagi boshqaruvchi menejeri Fozilbek Xonxo‘jayev o‘rtasidagi uchrashuvda ma’lum qilingan. 2030-yilgacha AQSHda 1 milliondan ortiq hamshiralarga talab mavjud.
O‘zbekistonda 2018—2023-yillarda aholi daromadining 16 foizi migrantlar ulushiga to‘g‘ri kelgan. Chet ellarda ishlayotgan yurtdoshlar har yili O‘zbekistonga o‘n ikki-o‘n besh milliard dollar jo‘natadi.
O‘zbekistonlik hamshiralar Qatarga ishga taklif qilinmoqda
Jami ish o‘rni 10 ta, ish haqi oyiga 2750 dollarni tashkil etadi.
Ish uch smenali tizimda amalga oshirilib, haftasiga 48 soat, 6 kunni tashki etadi. Nomzodlar uchun shartlar: 18−50 yosh oralig‘ida bo‘lish, tibbiyot sohasida kamida 2 yillik ish stajiga ega bo‘lish hamda ingliz tilini mukammal bilish.
Izoh (0)