Shimoliy Norvegiyaning Annea kosmik markazidagi uchirish maydonidan 24-mart kuni uchirilishi rejalashtirilgan Spectrum raketasining parvozi kuchli shamol sababli bekor qilindi. Bu haqda Germaniyaning Isar Aerospace tashuvchi ishlab chiqaruvchi kompaniyasi ma’lum qildi.
Ushbu uchirish G‘arbiy Yevropa hududidan amalga oshirilgan birinchi kosmik raketa bo‘lishi kerak edi. Annaya orolidagi kosmodrom 2023-yilda ishga tushirilgan. Hozircha Berlindagi Isar Aerospace kompaniyasi uning yagona mijozi hisoblanadi.
Balandligi 28 metr va diametri 2 metr bo‘lgan ikki bosqichli Spectrum yengil raketa-tashuvchisi umumiy og‘irligi 700 kilogrammgacha bo‘lgan kichik va o‘rta sun’iy yo‘ldoshlarni quyosh-sinxron orbitaga hamda 1000 kilogrammgacha bo‘lgan yukni past yer orbitasiga chiqarish uchun mo‘ljallangan. Foydali yukni orbitaga chiqarish narxi har bir kilogramm uchun taxminan 10 ming yevro atrofida baholanmoqda.
“Bizning maqsadimiz raketa-tashuvchining barcha qismlari va tizimlarini sinovdan o‘tkazishdan iborat. Ushbu sinov parvozining natijalaridan qat’i nazar, u Yevropaning koinotga chiqishi yo‘lidagi muhim qadam bo‘ladi”, deydi Isar Aerospace kompaniyasining kosmik missiyalar va uchirishlar bo‘yicha vitse-prezidenti Aleksandr Dallono.
Izoh (0)