Tataristonning yirik iqtisodiy zonasi “Alabuga” va Migratsiya agentligi o‘rtasida hamkorlik memorandumi imzolandi. Bu haqda agentlik matbuot xizmati xabar berdi.
Qayd etilishicha, hozirda jamiyatda 1150 nafar o‘zbekistonlik faoliyat olib bormoqda. Migratsiya agentligi rahbariyati ushbu korxonada vaqtincha mehnat faoliyatini olib borayotgan o‘zbekistonliklar bilan uchrashib, ularning yashash, ovqatlanish va mehnat sharoitlarini o‘rgandi.
O‘tkazilgan uchrashuvlar natijasida, iqtisodiy jihatdan muhim ahamiyatga ega bo‘lgan “Alabuga” korxonasi va Migratsiya agentligi o‘rtasidagi kelishuvga ko‘ra o‘zbekistonlik mutaxassislar uchun qo‘shimcha 10 ming bo‘sh ish o‘rniga talab olindi. Agentlik ushbu yangi ish o‘rinlari borasidagi tanlov haqida e’lon joylashtirilishini ma’lum qildi.
2025-yil fevralida “Alabuga Development” qurilish tashkiloti qashqadaryoliklarni oylik 130 ming rubldan 180 ming rublgacha bo‘lgan ishga taklif etgandi.
Izoh (0)