O‘zbekistonliklar hamshiralar Qatarga ishga taklif etilmoqda. Bu haqda Migratsiya agentligida ma’lum qilindi.
Unda keltirilishicha, agentlik va Qatarning Hamad Medical Corporation kompaniyasi tomonidan mamlakatdagi hamshiralardan arizalar qabul qilinmoqda. Jami ish o‘rni 10 ta, ish haqi oyiga 2750 dollarni tashkil etadi.
Ish uch smenali tizimda amalga oshirilib, haftasiga 48 soat, 6 kunni tashki etadi. Nomzodlar uchun shartlar: 18−50 yosh oralig‘ida bo‘lish, tibbiyot sohasida kamida 2 yillik ish stajiga ega bo‘lish hamda ingliz tilini mukammal bilish.
Suhbat va ish jarayonida ingliz tilida samarali muloqot qilish zarur. Rus va arab tillarini bilganlar afzallikka ega bo‘ladi. Nomzodlar ish beruvchi tomonidan turar-joy bilan ta’minlanadi. Ijtimoiy himoya hamda tibbiy sug‘urta taqdim etiladi.
O‘zbekistonlik hamshiralar AQSHga ishlash uchun yuboriladi
Bu haqda Migratsiya agentligi direktor o‘rinbosari Azimjon Husanov va New Future Succyess Academy xalqaro hamshiralarni tayyorlash o‘quv markazining O‘zbekistondagi boshqaruvchi menejeri Fozilbek Xonxo‘jayev o‘rtasidagi uchrashuvda ma’lum qilingan. 2030-yilgacha AQSHda 1 milliondan ortiq hamshiralarga talab mavjud.
O‘zbekistonda 2018—2023-yillarda aholi daromadining 16 foizi migrantlar ulushiga to‘g‘ri kelgan. Chet ellarda ishlayotgan yurtdoshlar har yili O‘zbekistonga o‘n ikki-o‘n besh milliard dollar jo‘natadi.
Izoh (0)