Ijtimoiy tarmoqlarda daraxtga osilgan kuchuk videosi tarqaldi. “Mehr va Oqibat” mazkur holat yuzasidan maʼlumot berdi.
Keltirilishicha, videoda aks etgan holat 2024-yil 17-noyabr kuni Qumqo‘rg‘on tumani “Tayfang” mahallasida yashovchi voyaga yetmagan 11-sinf o‘quvchisi E.E. tomonidan Instagram tarmog‘iga joylangan. Mazkur holat yuzasidan tergovga qadar tekshiruv harakatlari olib borish vaqtida, videodagi it 2023-yil kuz faslining sentyabr oylarida “Tayfang” mahallasida yashovchi O.B. uyi atrofida daydib yurishi va parrandalarni yeb ketgani aniqlangan.
Shu sababli O.B. va uning qo‘shnisi X.Q. tomonidan it ushlanib, daraxtga osib o‘ldirilgan. Shu yerdan o‘tib ketayotgan fuqaro telefonida buni videoga olgan.
O.B. va X.Q.ning harakatlarida Maʼmuriy javobgarlik to‘g‘risidagi kodeksning 111-moddasi 2-qismida nazarda tutilgan huquqbuzarlik alomatlari bo‘lsa-da, 36-modda 1-qismida ko‘rsatilgan maʼmuriy jazo qo‘llash muddatlari o‘tib ketgani sababli ishning mazkur qismi harakatdan to‘xtatilgani maʼlum bo‘ldi.
E.B. o‘zining Instagram profilida daraxtga osib o‘ldirilgan it videosini joylab, 189-1-moddada keltirilgan huquqbuzarlikni amalga oshirgan bo‘lsada, mazkur huquqbuzarlik uchun javobgarlikka tortish yoshiga yetmagani sababli uning onasi D.R.ga nisbatan 47-modda 1-qismiga asosan maʼmuriy ish hujjatlari to‘planib, Bolalar masalalari bo‘yicha komissiyaga yuborilgan.
Bundan avval Samarqandda fuqaro qabristondagi tulki uyasini kovlab, bolalarini olgani aniqlangandi. Bunga sabab qilib uyidagi parrandalarni yeb ketayotgani ko‘rsatilgan.
Izoh (0)