Rayan Tomas Gosling 1980-yil 12-noyabr kuni Ontario shahrida qog‘oz sotuvchisi Tomas Rey Gosling va kotiba Donna oilasida tug‘ilgan. Uning ota-onasi kanadalik fransuzlar bo‘lgan.
Gosling bolaligida The Mickey Mouse Club aʼzosi bo‘lib, u yerda Britni Spirs, Kristina Agiular va Jastin Timberleyk kabi zamonaviy yulduzlar bilan birga chiqish qilgan.
Aktyor va musiqachi ikki karra “Oskar”, “Oltin globus” mukofoti sovrindori va AQSh Milliy kinotanqidchilar kengashi mukofoti laureati. 2008-yilda u Zak Shilds bilan birgalikda “Dead Manʼs Bones” musiqiy guruhini tuzib, shu kungacha unda chiqishlar qilib kelmoqda.
- Rayan Gosling it panjasining hidini yaxshi ko‘radi. Aktyorning fikricha, ulardan popkorn va jun hidi keladi.
- Rayan Gosling insonni dunyodagi “eng qo‘rqinchli hayvon” deb hisoblaydi.
- Rayan Gosling vaqtini yolg‘izlikda Disneylendda o‘tkazishni yoqtiradi. Har safar ko‘ngilochar parkka kelgach, quloqchin taqadi va attraksionlarda sayr qiladi.
- Rayan Gosling onasining fikriga hurmat bilan qaraydi. Aktyorning so‘zlariga ko‘ra, u har doim onasi ma’qullagan qizlarni tanlagan. Xususan, bu uning hozirgi rafiqasi Yeva Mendesga ham tegishli.
- Rayan Gosling rafiqasiga bo‘lgan muhabbati haqida omma oldida gapirishdan tortinmaydi. Yeva Mendesning e’tirof etishicha, eri unga ovqat tayyorlashni taqiqlaydi, chunki bu vazifani o‘zi juda yaxshi uddalaydi.
- Rayan Gosling — sarguzasht ishqibozi. Bir kuni aktyor uydan chiqib, bir haftadan keyingina qaytib keladi. “Hamma mendan qayerda bo‘lganimni so‘raydi, mendan xavotir olishgan. Do‘stim esa yuk mashinamda Kaliforniyaga borib kelmaymizmi, degandi, deb tan oladi aktyor.
- Rayan Gosling balandlikdan qo‘rqadi. Aktyor “Kaskadyor” filmini suratga olish paytida qo‘rquvdan qimirlolmay qoladi. Shu daqiqada uning butun tanasi toshdek qotib qoladi.
- Rayan Gosling olti oy Jastin Timberleyk bilan birga yashaydi. O‘sha davrda u “Mikki Maus klubi” shousida ishtirok etgan. Aktyor Florida shtatining Orlando shahriga ko‘chib o‘tishiga to‘g‘ri keladi. Bu paytda Timberleykning onasi unga qarab turardi.
- “Faqat Xudo kechiradi” filmidagi gangster roli uchun Rayan Gosling kuniga ikki soatdan uch soatgacha, haftasiga uch-to‘rt kun mashq qildi.
- Rayan Gosling maktabda bullingga uchragan. Lekin o‘zi ham jim o‘tiradiganlardan emasdi. Birinchi sinfda aktyor “Rembo” jangari filmini ko‘rganidan keyin Remboga taqlid qilib, steyk pichoqlari bilan sinfdoshlariga tashlanadi. 17 yoshida u o‘zini to‘liq aktyorlik karyerasiga bag‘ishlash uchun maktabni tashlab ketadi.
Izoh (0)