Samarqand viloyatining Bulung‘ur tumanidagi “Yuqori nuqta” YPX maskanida 14-fevraldan 15-fevralga o‘tar kechasi Namangan—Samarqand yo‘nalishida harakatlanib ketayotgan Shineray T30 avtomashina to‘xtatilib, tekshirildi. Bu haqda viloyat IIB YHXB xabar berdi.
Maʼlum qilinishicha, 1997-yilda tug‘ilgan haydovchi boshqaruvidagi avtomashina yukxonasida jami og‘irligi 2 tonna mol go‘shti borligi aniqlandi.
Go‘sht mahsulotlarining isteʼmolga yaroqliligi tekshirilganda ularning yaroqsizligi aniqlandi.
Go‘shtlar belgilangan tartibda yo‘q qilindi.
Avvalroq Toshkentga uch tonna iste’molga yaroqsiz tovuq go‘shti olib ketayotgan yuk mashinasi to‘xtatib qolingani, Qashqadaryoda noma’lum hayvon go‘shtini olib ketayotgan haydovchi ushlangani, Jizzaxdagi bozorda qariyb 200 kiloga yaqin tovuq go‘shti iste’molga yaroqsiz ekani aniqlangani to‘g‘risida xabar berilgandi.
Izoh (0)