Hindistonning harakatlariga javoban Pokiston aviazarbalar yo‘llab, Hindiston hududidagi bir qator strategik obyektlarni ishdan chiqardi.
Report.az’ning xorijiy OAVga tayanib xabar berishicha, Surajgarh aviabazasi, Dehrangyaridagi artilleriya pozitsiyasi va Nagrotadagi BrahMos raketa ombori yo‘q qilingan.
Bundan tashqari, Hindiston elektr tarmog‘ining qariyb 70 foizi ishlamay qolgan. ZKG Top hududidagi shtab-kvartira va Uri shahridagi ta’minot ombori ham vayron qilingan.
Pokiston, shuningdek, Beasdagi BrahMos omboriga, Udhampur aviabazasi va Pathankot aerodromiga zarba berdi. Qayd etilishicha, Udhampur aviabazasiga Fateh-13 raketalari bilan hujum qilingan.
Kecha 9-may kuniga o‘tar kechasi Pokiston harbiylari Hindistonning shimoliy va g‘arbiy hududlaridagi 36 ta obyektga muvofiqlashtirilgan hujum doirasida 300-400 ta dron uchirgani xabar qilingandi.
Hindustan Times manbalarining ta’kidlashicha, 9-mayga o‘tar kechasi Pokistonning dronlar va raketalardan foydalangan havo hujumini qaytarishda Hindiston S-400 zenit-raketa komplekslari, Barak-8 va Akash zenit-raketalarini, shuningdek, Mudofaa tadqiqotlari va ishlanmalari tashkilotining dronga qarshi kurash texnologiyalarini qo‘llagan.
Izoh (0)