Buxoro viloyatining Peshku tumanida porox va gilzalar saqlashga oid noqonuniy holat bartaraf etildi. Bu haqda viloyat bojxona boshqarmasi axborot xizmati xabar berdi.
Maʼlum qilinishicha, fuqaroning yashash xonadonidan silindrsimon 780 gramm og‘irlikdagi va yelim idishga solingan 40 gramm og‘irlikdagi kukunsimon porox hamda 20 dona turli kalibrli gilzalar va maxsus pichoqlar borligi aniqlandi.
Hozirda holat yuzasidan bojxona organlari surishtiruv ishlarini olib borilmoqda.
“Yallama” chegara bojxona post xodimlari tomonidan O‘zbekistonda faoliyat olib borayotgan masʼuliyati cheklangan jamiyatlardan birining nomiga kuryerlik jo‘natmalari bojxona nazoratidan o‘tkazilganida uning ichidan pnevmatik to‘pponcha chiqqani to‘g‘risida xabar berilgandi.
2024-yilning aprelida Farg‘ona viloyatida pnevmatik qurolni bojxona chegarasi orqali noqonuniy olib o‘tilishiga chek qo‘yilgandi.
May oyida O‘zbekistonga chegara-bojxona posti orqali noqonuniy ravishda olib kirilayotgan qurol to‘xtatib qolingandi.
Izoh (0)