O‘zbekistonga chegara-bojxona posti orqali noqonuniy ravishda olib kirilayotgan qurol to‘xtatib qolindi. Bu haqda Davlat bojxona qo‘mitasi matbuot xizmati xabar berdi.
Maʼlum qilinishicha, O‘zbekistonga o‘tish uchun “G‘ishtko‘prik” chegara-bojxona postiga fuqaro boshqaruvida kirib kelgan avtotransport vositasi bojxona xodimlari tomonidan belgilangan tartibda bojxona ko‘rigidan o‘tkazilgan.
Natijada, mazkur avtotransport vositasining yukxonasida bojxona nazoratidan yashirilgan 1 dona “Makarov” rusumli to‘pponcha, 2 dona tig‘li sovuq qurol, turli xil harbiy anjomlar hamda 3 dona polietilen paketda quritilgan giyohlar borligi aniqlandi.
Hozirda mazkur holat yuzasidan bojxona organlari tomonidan tergovga qadar tekshiruv harakatlari olib borilmoqda.
Izoh (0)