Бухоро вилоятининг Пешку туманида порох ва гилзалар сақлашга оид ноқонуний ҳолат бартараф этилди. Бу ҳақда вилоят божхона бошқармаси ахборот хизмати хабар берди.
Маълум қилинишича, фуқаронинг яшаш хонадонидан цилиндрсимон 780 грамм оғирликдаги ва елим идишга солинган 40 грамм оғирликдаги кукунсимон порох ҳамда 20 дона турли калибрли гилзалар ва махсус пичоқлар борлиги аниқланди.
Ҳозирда ҳолат юзасидан божхона органлари суриштирув ишларини олиб борилмоқда.
“Яллама” чегара божхона пост ходимлари томонидан Ўзбекистонда фаолият олиб бораётган масъулияти чекланган жамиятлардан бирининг номига курерлик жўнатмалари божхона назоратидан ўтказилганида унинг ичидан пневматик тўппонча чиққани тўғрисида хабар берилганди.
2024 йилнинг апрелида Фарғона вилоятида пневматик қуролни божхона чегараси орқали ноқонуний олиб ўтилишига чек қўйилганди.
Май ойида Ўзбекистонга чегара-божхона пости орқали ноқонуний равишда олиб кирилаётган қурол тўхтатиб қолинганди.
Изоҳ (0)