“Hizbulloh” guruhi rahbari Naim Qosim Isroil qo‘shinlari 18-fevralgacha Livan hududidan to‘liq chiqib ketishi kerakligini aytdi. Bu haqda Al Arabiya xabar berdi.
-d6GvUNRh.jpg)
U Livan janubidagi har qanday postda Isroil harbiy ishtirokini saqlab qolish uchun “hech qanday bahona” yo‘qligini aytdi. Noyabr oyida AQSH vositachiligida tuzilgan sulhga ko‘ra, Isroil qo‘shinlariga Livan janubidan chiqib ketish uchun 60 kun berilgan. Keyinchalik bu muddat 18-fevralgacha uzaytirilgan, biroq Isroil harbiylari Livan janubidagi beshta postda qo‘shinlarni ushlab turishni so‘ragan.
Isroil 18-fevralda to‘liq chiqib ketishi shart. Hech qanday bahona yoki boshqa tafsilotlar kerak emas... bu kelishuv shunday, dedi Naim Qosim.
U 18-fevraldan keyin Livan tuprog‘ida Isroilning har qanday harbiy ishtiroki bosqinchi kuch sifatida baholanishini qayd etdi.
Okkupatsiya bilan qanday kurashish kerakligini hamma biladi, deya u “Hizbulloh” Isroilga qarshi hujumlarni davom ettirishi haqida aniq tahdid bildirmaydi.
Isroil teleradiokompaniyasiga ko‘ra, AQSH Livan janubida Isroil qo‘shinlarining “uzoq muddat” qolishiga ruxsat bergan. Qosimning bayonotini efirga uzatish vaqtida yahudiy harbiy-havo kuchlari “Hizbulloh” harbiy obyektlariga zarba berdi. Isroil armiyasi da’vo qilishicha, “ushbu obyektlardagi terrorchilik faoliyati Isroil va Livan o‘rtasidagi kelishuvlarni buzish hisoblanadi”.
Livan hukumati Eron samolyotlarining Bayrutga parvozini taqiqladi. Muammo nimada?
Avvalroq Isroil “Hizbulloh”ni qurollantirish uchun Eron fuqarolik samolyotlaridan foydalanib Bayrutga naqd pul yuborayotganini aytgandi. Shu sababli Livan hukumati Eron samolyotlarining 18-fevralgacha Bayrutga parvozlarini taqiqladi.
Qaror o‘nlab Livan fuqarolarini Eronda ushlab qoldi, ular Eronning Mahan Air aviakompaniyasi orqali qaytishni rejalashtirgandi. Livan ularni olib kelish uchun ikkita o‘z samolyotini yubordi, biroq Eron ularga Tehronga qo‘nishni taqiqladi.
“Hizbulloh” 15-fevrak kuni Bayrut aeroporti oldida norozilik namoyishi uyushtirdi, uning tarafdorlariga Livan harbiylari tomonidan ko‘zdan yosh oqizuvchi gaz qo‘llanildi. Qosim Livanning Eron samolyotlariga taqiqini “Isroil buyrug‘ini amalga oshirish” deb atadi.
Samolyot qo‘nsin va biz Isroil nima qilishini ko‘ramiz, dedi “Hizbulloh” yetakchisi.
Isroil va “Hizbulloh” kelishuvi
2024-yil 27-noyabrda Isroil va Livan o‘rtasida deyarli 14 oy uzluksiz davom etgan hujumlardan so‘ng Amerika tomonidan taklif etilgan kelishuv asosida o‘t ochishni to‘xtatish tartibi kuchga kirdi. Bitimni tasdiqlashdan oldin isroil bosh vaziri Binyamin Netanyaxu xalqqa murojaat qilib, shimoliy frontda o‘t ochishni to‘xtatish zarurligini tushuntirdi. U “Hizbulloh” tomonidan sulh buzilgan taqdirda Isroil javob qaytarib, harbiy harakatlarni qayta boshlashini ta’kidladi.
AQSH taklif etgan kelishuv rejasiga ko‘ra, 60 kun ichida Livan armiyasi mamlakat janubidagi hududlarni egallashi, “Hizbulloh” kuchlari va infratuzilmasi esa Isroil chegarasidan 20-30 kilometr masofada joylashgan Litani daryosining shimoliy qismiga o‘tkazilishi kerak.
Izoh (0)