“Hizbulloh” yangi bosh kotibi etib Hasan Nasrullohning o‘rinbosari Naim Qosim tayinlandi. Bu haqda Livan guruhi ma’lum qildi.
Naim Qosim guruhning Maslahat kengashi bo‘lmish Majlis ash-Sho‘ro tomonidan saylangan. U 30 yil davomida “Hizbulloh”ning avvalgi rahbari Hasan Nasrullohning o‘rinbosari bo‘lib ishlagan. Naim Qosim 1953-yilda Bayrutda tug‘ilgan. Bir necha yil kimyo o‘qituvchisi bo‘lib ishlagan.
Shu bilan birga, u diniy tadqiqotlar bilan shug‘ullangan va talabalar orasida diniy e’tiqodni targ‘ib qilishga qaratilgan Livan musulmon talabalari ittifoqini tashkil etishda ishtirok etgan. 1991-yildan buyon “Hizbulloh” bosh kotibi o‘rinbosari lavozimida ishlab kelayotgandi. Qosim “Hizbulloh”ni terrorchi guruh deb hisoblaydigan AQSH sanksiyalari ostida.
- 17-oktyabr kuni Isroil Falastinning HAMAS harakati yetakchisi Yahyo Sinvar o‘ldirilganini e’lon qildi. U G‘azo sektorida snayper tomonidan otib o‘ldirilgan.
- 28-sentyabr kuni esa Livanning “Hizbulloh” harakati bosh kotibi Hasan Nasrulloh Bayrutning janubiy chekkasida uyushtirgan havo hujumida halok bo‘lgandi. Isroil shu kuni tonnalab bombalar bilan 6 ta bino va bunkerlarni portlatib yuborgan. Ulardan birida “Hizbulloh” yetakchisi bo‘lgandi.
Izoh (0)