Isroillik ravvin Dov Lando yahudiy davlati ustidan arablar boshqaruvini tiklashga chaqirdi. Bu haqda The Jerusalem Post xabar berdi.
Ravvin o‘tmishni eslab, Isroil ustidan arab hukmronligini yoqladi:
“Arablar bilan davlatsiz ham yaxshi yashash mumkin. Bu yerda arablar hukmronlik qilsa, juda yaxshi bo‘lardi; eng yaxshi vaziyat shuki, arablar hukmronlik qilsa, ular (sionistlar)ni hurmat qilishadi, ularga aralashmaydi, mamlakatga pul olib kelishadi — axir arablar pulni yaxshi ko‘radi”, dedi u.
Landoga ko‘ra, agar yahudiylar 90 yildan ortiq vaqt oldin qirol Faysalga to‘g‘ri bo‘ysunganida edi, mojaro sodir bo‘lmagan bo‘lardi.
“Agar arablarga shunday munosabatda bo‘linganida, vaziyat boshqacha bo‘lardi. Ular arablarni bizdan nafratlanishga majbur qilishdi. Hech qachon dunyoda arablarga nisbatan shunchalik nafrat bo‘lmagan. Bir kun kelib bu to‘xtaydi; endi ularga ishonish mumkin emas; balki juda katta yon berishlar qilsa bo‘lardi. Nima deyishni bilmayman, siyosiy jihatdan ham bilmayman, tushunmagan narsang haqida gapirmaslik kerak”, deya ta’kidladi ravvin.
Boshqa ravvin unga “Tavrotni o‘rganish Isroilni arablardan asrab qolganmi”, deb so‘radi. Notanish ravvin “xalq va vatanni himoya qilish” yo‘lida “jonini fido qilayotgan” va halok bo‘layotgan ko‘plab yosh yigitlar haqida gapirdi.
Lando bunga javoban, ularning (diniy sionist) ravvinlari “noto‘g‘ri talqin qilingan Tavrot”ni o‘rgatgani uchun bu yigitlar halok bo‘layotganini aytdi.
“Ular Isroil xalqiga nafaqat ma’naviy, balki jismoniy kulfatlar ham olib keldilar”, dedi u.
Izoh (0)