Yaman husiylari Qizil dengizni to‘sib qo‘yishi tufayli Suvaysh kanaliga egalik qiluvchi Misrga kamida 7 milliard dollar zarar ko‘rdi. Bu haqda Bloomberg xabar berdi.
-cNKi8FaO.jpg)
Tegishli summa Misr prezidenti saytida ko‘rsatilgan. Daromad qisqarishiga Suvaysh orqali savdo kemalari tranziti 60 foizga qisqargani sabab bo‘lgan. Suvaysh kanali Misr uchun muhim daromad manbai hisoblanadi. Husiylarning hujumlari tufayli ko‘plab kemalar Afrikani aylanib o‘tishning uzoqroq, ammo xavfsizroq yo‘lini tanlay boshlagan. Yaman husiylari G‘azodagi urush sababli Isroil va unga aloqador kemalarni Qizil dengizda nishonga olmoqda.
Misr iqtisodiyoti hajmi 380 milliard dollarni tashkil etadi, hozir u murakkab davrni boshdan kechirmoqda. Mamlakat valyutasi rekord darajada pasayib ketdi. Misr Xalqaro valyuta jamg‘armasining yordamiga tayanishga majbur bo‘lmoqda. 24-dekabr kuni umumiy 8 milliard dollarlik kreditning bir qismi bo‘lgan 1,2 milliard dollarlik yangi transh haqida kelishib olindi. Xalqaro valyuta jamg‘armasining qarzdor mamlakatlar reytingida Misr faqat Argentina va Ukrainadan keyin uchinchi o‘rinni egallab turibdi.
Bir yil davomida Misr hukumati funtning dollarga nisbatan qiymatini taxminan 40 foizga tushirdi. Mamlakatda yonilg‘i narxi uch marta oshirildi, elektr energiyasi va davlat tomonidan subsidiyalangan non narxlari ko‘tarildi. Qo‘shilgan qiymat solig‘i bo‘yicha o‘zgartirishlar ko‘rib chiqilmoqda.
Byudjetni to‘ldirish uchun xususiylashtirish boshlandi: Misr allaqachon davlat ulushidagi United Bank aksiyalarining 30 foizini sotdi va boshqa aktivlarni ham sotishni rejalashtirmoqda.
Izoh (0)